വോട്ടിങ്‌ യന്ത്രങ്ങളുടെ 
വിതരണം തുടങ്ങി

ആലപ്പുഴ

തദ്ദേശതെരഞ്ഞെടുപ്പിന് ജില്ലയിലെ 12 ബ്ലോക്ക് പഞ്ചായത്തുകളിലേക്കും ആറ് നഗരസഭകളിലേക്കും ഇലക്ട്രോണിക് വോട്ടിങ്‌ യന്ത്രങ്ങളുടെ വിതരണം കലക്ടറേറ്റിൽ ആരംഭിച്ചു. കലക്ടറേറ്റിലെ ഗോഡൗണില്‍ കലക്ടർ അലക്സ് വർഗീസ് ആര്യാട് ബ്ലോക്ക് പഞ്ചായത്ത് സെക്രട്ടറിയും എആർഒയുമായ കെ എം ഷിബുവിന് യന്ത്രംകൈമാറി വിതരണോദ്ഘാടനം നടത്തി. ആര്യാട്, ചമ്പക്കുളം, മാവേലിക്കര, മുതുകുളം ബ്ലോക്ക് പഞ്ചായത്തുകളിലേക്കും കായംകുളം, മാവേലിക്കര നഗരസഭകളിലേക്കുമാണ് വെള്ളിയാഴ്ച വോട്ടിങ് യന്ത്രങ്ങള്‍ വിതരണംചെയ്തത്. ശനിയാഴ്‌ച അമ്പലപ്പുഴ, ചെങ്ങന്നൂർ, ഭരണിക്കാവ്, തൈക്കാട്ടുശേരി ബ്ലോക്ക് പഞ്ചായത്തുകളിലേക്കും ആലപ്പുഴ, ചെങ്ങന്നൂർ നഗരസഭകളിലേക്കും വിതരണംചെയ്യും. ഞായറാഴ്ച വെളിയനാട്, കഞ്ഞിക്കുഴി, പട്ടണക്കാട്, ഹരിപ്പാട് ബ്ലോക്ക് പഞ്ചായത്തുകൾക്കും ഹരിപ്പാട്, ചേർത്തല നഗരസഭകൾക്കും യന്ത്രങ്ങള്‍ വിതരണംചെയ്യും. കമീഷനിങ് 3ന്‌ ഓരോ ബ്ലോക്കുകളിലേക്കും പ്രത്യേകം സജ്ജീകരിച്ച കവചിത വാഹനങ്ങളിലാണ് യന്ത്രങ്ങൾ കൊണ്ടുപോകുന്നത്. പ്രാഥമിക പരിശോധന പൂര്‍ത്തിയാക്കിയ 3305 കണ്‍ട്രോള്‍ യൂണിറ്റുകളും 9206 ബാലറ്റ് യൂണിറ്റുകളുമാണ് വിതരണം ചെയ്യുന്നത്. ഡിസംബര്‍ മൂന്നിന് വോട്ടിങ് യന്ത്രങ്ങളുടെ കമീഷനിങ് നടക്കും. തെരഞ്ഞെടുപ്പ് വിഭാഗം ഡെപ്യൂട്ടി കലക്ടർ എസ് ബിജു, ഇവിഎം മാനേജ്മെന്റ് നോഡൽ ഓഫീസർ രമ്യ എസ് നമ്പൂതിരിയും രാഷ്ട്രീയപാർട്ടി പ്രതിനിധികളും തെരഞ്ഞെടുപ്പ് ഉദ്യോഗസ്ഥും പൊലീസും പങ്കെടുത്തു.