ബ്രെയിൽ സാക്ഷരത മികവുത്സവം

ആലപ്പുഴ

കാഴ്ചവെല്ലുവിളി നേരിടുന്നവർക്കായി സംസ്ഥാന സാക്ഷരതാ മിഷൻ തയാറാക്കിയ ദീപ്തി ബ്രെയിൽ സാക്ഷരതാ പരിപാടിയുടെ ഭാഗമായി പരിശീലനം പൂർത്തിയാക്കിയവർക്ക് സംസ്ഥാനതല മികവുത്സവം സംഘടിപ്പിച്ചു. പഠിതാക്കളുടെ ശേഷികൾ വിലയിരുത്തുന്ന പ്രക്രിയയാണ് മികവുത്സവം. ബ്രെയിൽ, മൊബിലിറ്റി, ടെക-്‌നോളജി എന്നിവയെ അടിസ്ഥാനമാക്കിയാണ് പരിശോധന. ജില്ലാ പഞ്ചായത്ത് പ്രസിഡന്റ്‌ കെ ജി രാജേശ്വരി ഉദ്ഘാടനം ചെയ-്‌തു. സ്ഥിംരംസമിതി അധ്യക്ഷ ബിനു ഐസക് രാജു അധ്യക്ഷയായി. സാക്ഷരതാ മിഷൻ ഡയറക-്‌ടർ എ ജി ഒലീന പഠിതാക്കൾക്ക് ചോദ്യപേപ്പർ കൈമാറി. ജില്ലാ പഞ്ചായത്തംഗം ആർ റിയാസ്, കേരള ഫെഡറേഷൻ ഓഫ് ബ്ലൈൻഡ് ജില്ലാ പ്രസിഡന്റ്‌ സുഭാഷ്, സാക്ഷരതാ മിഷൻ ജില്ലാ കോ ഓർഡിനേറ്റർ കെ വി രതീഷ്, അസി. കോ ഓർഡിനേറ്റർ എസ് ലേഖ എന്നിവർ സംസാരിച്ചു. ഇൻസ്ട്രക്‌-ടർമാരെയും പഠനകേന്ദ്രങ്ങളുടെ കോ –ഓർഡിനേറ്ററായി പ്രവർത്തിച്ച സാക്ഷരതാ പ്രേരക്മാരെയും അനുമോദിച്ചു. 11 സ-്‌ത്രീകളും 14 പുരുഷന്മാരുമടക്കം 25 പേരാണ് മികവുത്സവത്തിൽ പങ്കെടുത്തത്. 62 വയസുള്ള പി ജെ ഫ്രാൻസിസാണ്‌ പ്രായം കൂടിയ പഠിതാവ്. എട്ട്‌ വയസുള്ള ജിയ ഗ്രയിസണാണ്‌ പ്രായംകുറഞ്ഞ പഠിതാവ്.