ആയില്യ മഹോത്സവം 
ഇന്ന്

ഹരിപ്പാട്

മണ്ണാറശാല നാഗരാജക്ഷേത്രത്തിൽ ബുധനാഴ്‌ച ആയില്യ മഹോത്സവം നടക്കും. പുലർച്ചെ നാലിന് നടതുറക്കും. എം കെ പരമേശ്വരൻനമ്പൂതിരിയുടെ കാർമികത്വത്തിൽ വിശേഷാൽ പൂജകൾ നടക്കും. രാവിലെ ഒന്പതുമുതൽ ഇല്ലത്ത് നിലവറയ്‌ക്ക്‌ സമീപം മുഖ്യപൂജാരിണിയായ മണ്ണാറശാല അമ്മ സാവിത്രി അന്തർജനം ദർശനം നൽകും. ചൊവ്വ വൈകിട്ട് അഞ്ചുമുതൽ പ്രസിദ്ധമായ പൂയം തൊഴൽ നടന്നു. ഏഴിന് പൂയം തൊഴലിന്റെ ഭാഗമായി ഇളമുറയിൽപ്പെട്ട അന്തർജനങ്ങൾക്കൊപ്പം അമ്മയുടെ ആചാരപരമായ ക്ഷേത്രദർശനവുമുണ്ടായിരുന്നു.