പാദുകാവൽ തിരുനാളിന് 
കൊടിയേറി

മാന്നാര്‍

പരുമല സെന്റ്‌ ഫ്രാൻസിസ് സേവ്യർ റോമൻ കാത്തലിക് ദേവാലയത്തിലെ വിശുദ്ധ ഫ്രാൻസിസ് സേവ്യറിന്റെ പാദുകാവൽ തിരുനാളിന് കൊടിയേറി. ഇടവക വികാരി ഫാ. റൊമാരിയോ ജോസാണ് കൊടിയേറ്റിയത്. തുടർന്ന് ഫാ. ജിൻസൺ ഗ്രിഗറിയുടെ കാർമികത്വത്തിൽ തിരുനാൾ സമാരംഭബലി നടത്തി. ഫാ. ബി ജെ റൊസാരിയോ തിരുനാൾ സന്ദേശം നൽകി. ദിവസവും വൈകിട്ട് 4.30ന് ജപമാല, ലിറ്റിനി, നോവേന. 5ന് ദിവ്യബലി, ദിവ്യകാരുണ്യ ആശീര്‍വാദം എന്നിവ നടക്കും. തിങ്കള്‍ വൈകിട്ട് 7.30ന് ഇടവക ദിനാഘോഷം പുളിക്കീഴ് എസ്എച്ച്ഒ കെ അജിത്ത് കുമാര്‍ ഉദ്ഘാടനംചെയ്യും. ചൊവ്വ വൈകിട്ട് അഞ്ചിന് പ്രദക്ഷിണം. ബുധന്‍ രാവിലെ 10.30ന് തിരുനാള്‍ സമൂഹബലി, 12.30ന് സ-്‌നേഹ വിരുന്ന്, 3.30ന് സമാപന പ്രദക്ഷിണം, കൊടിയിറക്ക്.