എൽഡിഎഫിന്‌ കുതിപ്പേകി റോഡ്‌ ഷോ

ചേർത്തല

തെരഞ്ഞെടുപ്പ്‌ പ്രചാരണത്തിന്‌ കുതിപ്പേകി നഗരസഭാ പരിധിയിൽ എൽഡിഎഫ്‌ റോഡ്‌ ഷോ. മന്ത്രി പി പ്രസാദിന്റെ നേതൃത്വത്തിലെ റോഡ്‌ ഷോ നഗരത്തിലെ മുഴുവൻ വാർഡുകളിലും എത്തി. തുറന്ന ജീപ്പിൽ മന്ത്രിയോടൊപ്പം അതതിടങ്ങളിലെ സ്ഥാനാർഥികളും സഞ്ചരിച്ചു.ഇരുചക്രവാഹനങ്ങളിൽ എൽഡിഎഫ്‌ പ്രവർത്തകർ അനുധാവനംചെയ്‌തു. ഇടറോഡുകളിലൂടെ ഉൾപ്പെടെ റോഡ്‌ ഷോ എത്തിയപ്പോൾ വിവിധയിടങ്ങളിൽ പ്രവർത്തകരും വോട്ടർമാരും ഒത്തുചേർന്ന്‌ അഭിവാദ്യം അർപ്പിച്ചു. മന്ത്രിയും സ്ഥാനാർഥികളും പ്രത്യഭിവാദ്യമേകി. ​രാവിലെ ഒന്നാംവാർഡിലെ കളത്തിശേരിയിൽ നിന്നാരംഭിച്ച റോഡ്‌ ഷോ സിപിഐ എം സംസ്ഥാന കമ്മിറ്റിയംഗം കെ പ്രസാദ്‌ ഉദ്‌ഘാടനംചെയ്‌തു. തെരഞ്ഞെടുപ്പ്‌ കമ്മിറ്റി പ്രസിഡന്റ്‌ എം സി സിദ്ധാർഥൻ അധ്യക്ഷനായി. സെക്രട്ടറി പി ഷാജിമോഹൻ സ്വാഗതംപറഞ്ഞു. വി ടി ജോസഫ്‌, എം ഇ രാമചന്ദ്രൻനായർ, ജോമി ചെറിയാൻ എന്നിവർ സംസാരിച്ചു. ​വൈകിട്ട്‌ 36–ാം വാർഡിൽ റോഡ്‌ ഷോ സമാപിച്ചു. മന്ത്രി പി പ്രസാദ്‌ സമാപനയോഗം ഉദ്‌ഘാടനംചെയ്‌തു. എം സി സിദ്ധാർഥൻ അധ്യക്ഷനായി. പി ഷാജിമോഹൻ, കെ ഉമയാക്ഷൻ, പി എസ്‌ ഗോപി, അഡ്വ. ജോസ്‌ പീയൂസ്‌, എം ഇ കുഞ്ഞുമുഹമ്മദ്‌, കെ വി ചന്ദ്രബാബു എന്നിവർ സംസാരിച്ചു.