നഗരത്തില്‍ വികസന പവർ പ്ലേ
പള്ളുരുത്തി കച്ചേരിപ്പടിയിലെ ടർഫ്‌
‘‘എൽഡിഎഫ് ഭരണത്തിൽ കൊച്ചിയുടെ സ്‌പോർട്‌സിനും പവർ കൂടി. കായികരംഗത്തെയും കായികതാരങ്ങളെയും എന്നും ഹൃദയത്തോടുചേർത്ത നഗരമാണ്‌ കൊച്ചി. രാജ്യത്തിന്റെ യശസ്സുയർത്തിയ അഭിമാനതാരങ്ങളെ സംഭാവന ചെയ്‌തിട്ടുണ്ട്‌ നഗരം. ഫുട്‌ബോൾ, ക്രിക്കറ്റ്‌, അത്‌ലറ്റിക്‌സ്‌ ഉൾപ്പെടെ ഇനങ്ങൾ ഏതായാലും നഗരത്തിന്‌ എന്നും ആവേശമാണ്‌. ഇ‍ക്കാര്യങ്ങൾ തിരിച്ചറിഞ്ഞും കൂടുതൽ കുതിപ്പ്‌ സാധ്യമാക്കാനും കായികമേഖലയ്‌ക്ക്‌ കരുത്തുപകരാനും വിവിധ പദ്ധതികളിലൂടെ കൊച്ചി കോർപറേഷൻ എൽഡിഎഫ് ഭരണസമിതിക്കായി’’.
ഗോൾ, ഗോൾ, ഗോൾ...
കോർപറേഷൻ നേടിയ വികസന ഗോളുകൾക്ക്‌ ആസൂത്രണത്തിന്റെയും കഠിനാധ്വാനത്തിന്റെയും നിശ്ചയദാർ-ഢ്യത്തിന്റെയും മനോഹാരിതയുണ്ടായിരുന്നു. കായികമേഖലയിൽ വികസനം ലക്ഷ്യമിട്ടിറങ്ങിയപ്പോൾ പുതുതലമുറയുടെ മനസ്സുകൂടി കോർപറേഷൻ കണ്ടു. ഇതിന്റെ ഭാഗമായാണ്‌ ടർഫുകൾ, ഓപ്പൺ ജിം, ബാഡ്‌മിന്റൺ കോർട്ട്‌ ഉൾപ്പെടെ വിവിധ ഡിവിഷനുകളിലായി നിർമിച്ചത്‌. ഇടക്കൊച്ചിയിൽ ക്രിക്കറ്റ്‌, ഫുട്‌ബോൾ ഉൾപ്പെടെ എല്ലാ കായിക വിഭാഗങ്ങൾക്കും അനുയോജ്യമായ ആധുനിക സ്‌റ്റേഡിയവും ഒരുക്കുന്നു.
പള്ളുരുത്തി കച്ചേരിപ്പടി, കരുവേലിപ്പടി, പച്ചാളം എന്നിവിടങ്ങളിലാണ്‌ ടർഫ്‌. ഒന്നേകാൽ കോടി രൂപയാണ് കച്ചേരിപ്പടിയിലെ ടർഫിന്റെ നിർമാണ ചെലവ്. കരുവേലിപ്പടിയിൽ ടിപ്ടോപ് അസീസ് ഗ്രൗണ്ട്‌ പുനർനിർമിച്ചാണ്‌ ടർഫ്‌ ഒരുക്കിയത്‌. 86.30 ലക്ഷം രൂപയയായിരുന്നു പദ്ധതി ചെലവ്. പച്ചാളം പി ജെ ആന്റണി ഗ്ര‍ൗണ്ടിലും ടർഫ്‌ ഒരുക്കി. നഗരത്തിനായി പൊതുയിടങ്ങൾ ഒരുക്കിയപ്പോൾ സ്‌പോർട്‌സിനും ഇടം നൽകി. ഇതിന്റെ ഭാഗമായാണ്‌ ഓപ്പൺ ജിമ്മുകളും വിവിധ കോർട്ടുകളും യാഥാർഥ്യമാക്കിയത്‌.
Related News
Dont Miss it
0 comments