നിയമവിദ്യാലയങ്ങൾ പുകയിലരഹിതമാക്കും

കൊച്ചി

ആരോഗ്യവകുപ്പിന്റെ ‘പുകയിലരഹിത യുവജനങ്ങൾ’ ദേശീയ ക്യാമ്പയിന്റെ ഭാഗമായി ജില്ലയിലെ നിയമവിദ്യാലയങ്ങൾ പുകയിലരഹിതമായി പ്രഖ്യാപിക്കുമെന്ന് ജില്ലാ ലീഗൽ സർവീസസ്‌ അതോറിറ്റി സെക്രട്ടറി ജില്ലാ ജഡ്‌ജി ആർ ആർ രജിത അറിയിച്ചു. പ്രഖ്യാപനത്തിന് മുന്നോടിയായി നിയമവിദ്യാലയങ്ങളിലെ വിദ്യാർഥികൾക്ക് ജില്ലാതല പരിശീലനം സംഘടിപ്പിച്ചു.

ജില്ലാ ഡെപ്യൂട്ടി മെഡിക്കൽ ഓഫീസർ ആരതി കൃഷ്ണ‌ൻ, ജില്ലാ മാസ് മീഡിയ ഓഫീസർ രജനി, കൊച്ചി സിറ്റി എസ്‌ഐ ബാബു ജോൺ, അസി. എക്സൈസ് ഇൻസ്പെക്ടർ കെ എസ് ഇബ്രാഹിം, ഹെൽത്ത് സൂപ്പർവൈസർ എസ്‌ ബിജോഷ്, എഡ്രാക്‌ പ്രസിഡന്റ്‌ രംഗദാസ പ്രഭു, കെവിഎച്ച് എക്‌സിക്യൂട്ടീവ് ഡയറക്ടർ സാച്ചു വി ഇല്ലി എന്നിവർ സംസാരിച്ചു.