ശാന്തിപുരത്ത് ന്യൂ ലൈഫ്‌
സന്തോഷം വിടരുന്നു
ശാന്തിപുരത്ത് നിർമിക്കുന്ന ഫ്ലാറ്റുകളുടെ രൂപരേഖ
കണ്ണീരിന്റെ, ദുരിതത്തിന്റെ കയ്‌പ്പുണ്ട്‌ ശാന്തിപുരത്തുകാരുടെ ജീവിതത്തിന്‌. വർഷങ്ങൾക്കുമുന്പ്‌ നിർമിച്ച താൽക്കാലിക ഷെഡ്ഡിൽ താമസിക്കുന്നവർ ഉള്ളുതുറന്ന്‌ സന്തോഷിക്കുന്നത്‌ എങ്ങനെയാണ്‌. അവരുടെ ആ ദുഃഖമാണ്‌ എൽഡിഎഫ്‌ നേതൃത്വത്തിലുള്ള ഭരണസമിതി മായ്‌ക്കുന്നത്‌. ശാന്തിപുരത്ത് ഉയരുകയാണ്‌ പുതിയ വീടുകൾ. ആ വീടുകളിൽ സന്തോഷവും ചിരിയും നിറയും.
അസാധ്യമെന്ന് കരുതിയ പദ്ധതിയാണ്‌ യാഥാർഥ്യമാക്കുന്നത്‌.
ശാന്തിപുരത്തെ 198 കുടുംബങ്ങളാണ്‌ ഗുണഭോക്താക്കൾ. രണ്ടര ഏക്കർ വിസ്‌തൃതിയുള്ള സ്ഥലത്താണ്‌ പദ്ധതി. ഒരു സമുച്ചയത്തിൽ എട്ട്‌ വീടുകളുണ്ടാകും. ലൈഫ്‌ മിഷൻ പദ്ധതിപ്രകാരം നാലുലക്ഷം രൂപവീതം അനുവദിച്ചു. ഒരുകോടി രൂപ ബിപിസിഎല്ലും 50 ലക്ഷം രൂപ മറീന വൺ പ്രോജക്ടറും പൊതുനന്മാ ഫണ്ടായി നൽകും.
ഒക്ടോബറിൽ മേയർ എം അനിൽകുമാർ കല്ലിട്ടു. നിർമാണപുരോഗതി വിലയിരുത്തുന്നത്‌ ഗുണഭോക്താക്കളുടെ സമിതിയാണ്‌. സ്വപ്‌നം യാഥാർഥ്യമാകുന്നതിന്റെ ആഹ്ലാദത്തിലാണ്‌ ശാന്തിപുരത്തുകാർ. അവരുടെ ആ സന്തോഷവും സംതൃപ്‌തിയുമാണ്‌ എൽഡിഎഫ്‌ ഭരണസമിതിക്കുള്ള ഏറ്റവും വലിയ അംഗീകാരങ്ങളിലൊന്ന്‌. നിസ്വരുടെ കണ്ണീരൊപ്പാൻ അവർക്ക്‌ പുതുജീവിതം സ്വന്തമാക്കാൻ എൽഡിഎഫ്‌ തുടരണമെന്ന്‌ അനുഭവത്തിലൂടെ മനസ്സിലാക്കിക്കഴിഞ്ഞു നാടും നാട്ടുകാരും.
Tags
0 comments