ഓട്ടൻതുള്ളലുമായി എക്സൈസ് അസിസ്റ്റന്റ് ഇൻസ്‌പെക്‌ടർ

കൊച്ചി

ലഹരിവിരുദ്ധ ബോധവൽക്കരണത്തിന്‌ ഓട്ടൻതുള്ളലുമായി എറണാകുളം എക്സൈസ് അസിസ്റ്റന്റ് ഇൻസ്പെക്ടർ വി ജയരാജൻ. വടുതല ഡോൺബോസ്കോ സ്കൂളിലാണ്‌ ഓട്ടൻതുള്ളൽ അവതരിപ്പിച്ചത്‌. സ്കൂൾ അധ്യാപക–--രക്ഷാകർതൃ സംഘടനയുടെ വാർഷികയോഗത്തിന്റെ ഭാഗമായി സ്കൂൾ മാനേജ്മെന്റിന്റെയും കേരള വിമുക്തി മിഷന്റെയും സഹകരണത്തോടെയായിരുന്നു പരിപാടി. ലഹരിയുടെ അപകടത്തെ ഊന്നിപ്പറഞ്ഞുള്ള അരമണിക്കൂർനേരത്തെ പരിപാടി കൈയടി നേടി.

പെരിയാറിൽ കൈകാലുകൾബന്ധിച്ച് പുഴ നീന്തിക്കടന്ന വിദ്യാർഥികൾ കേദാർ, തരുണി എന്നിവരെ ചടങ്ങിൽ അനുമോദിച്ചു. റെക്ടർ ഫാ. ഷിബു ഡേവിസ്, ഫാ. കുര്യാക്കോസ് ശാസ്താംകാല, ഫാ. മാനുവൽ ഗിൽട്ടൻ, പിടിഎ പ്രസിഡന്റ് പ്രവീൺ ജോളി, അധ്യാപകരായ അനിറ്റ ആൽവിൻ, മേരി ഷീജ എന്നിവർ സംസാരിച്ചു.