ലഹരിക്കെതിരെ ഓട്ടൻതുള്ളലുമായി എക്‌സൈസ് ഇൻസ്പെക്ടർ

വൈപ്പിൻ

പള്ളിപ്പുറം പഞ്ചായത്ത് റസിഡന്റ്‌സ് അസോസിയേഷൻ അപെക്‌സ് കൗൺസിലും എക്‌സ്‌സൈസ് വകുപ്പ് ജില്ലാ വിമുക്തിമിഷനും ചേർന്ന്‌ സംഘടിപ്പിക്കുന്ന ലഹരിവിരുദ്ധ ബോധവൽക്കരണ ക്ലാസിന്റെ രണ്ടാംഘട്ടം ചെറായി സഹോദരൻ മെമ്മോറിയൽ ഹൈസ്‌കൂളിലും രാമവർമ യൂണിയൻ ഹൈസ്‌കൂളിലും നടന്നു.

ബോധവൽക്കരണത്തിന്റെ ഭാഗമായി അസിസ്റ്റന്റ് എക്‌സൈസ് ഇൻസ്പെക്ടർ വി ജയരാജ് ഓട്ടൻതുള്ളൽ അവതരിപ്പിച്ചു. എസ്എംഎച്ച്എസിലെ ബേധവൽക്കണക്ലാസ് വിവി സഭ മാനേജർ കെ എസ് ആണ്ടവൻ ഉദ്ഘാടനം ചെയ്തു. സേവി താണിപ്പിള്ളി അധ്യക്ഷനായി.

പി കെ ഭാസി, കെ ജി ജോളി, പ്രിൻസിപ്പൽ സി കെ ഗീത, സിനിഷ സുനിൽ, പ്രധാനാധ്യാപകൻ കെ പി ശിവപ്രസാദ്, എൻ എ സദാനന്ദൻ എന്നിവർ സംസാരിച്ചു.