മാതംഗി ഫെസ്റ്റിവലിന്‌ തുടക്കം

കൊച്ചി

നടി നവ്യ നായരുടെ മാതംഗി സ്കൂള്‍ ഓഫ് പെര്‍ഫോമിങ് ആര്‍ട്സിന്റെ ആഭിമുഖ്യത്തിൽ "മാതംഗി ഫെസ്റ്റിവല്‍–2025'ന് തുടക്കം.

കേരള ഫൈന്‍ ആര്‍ട്സ് സൊസൈറ്റിയുടെ സഹകരണത്തോടെ സംഘടിപ്പിക്കുന്ന ഫെസ്റ്റിവലിൽ വ്യാഴാഴ്‌ച നവ്യ നായരുടെ ഭരതനാട്യം അരങ്ങേറി. വെള്ളി വൈകിട്ട്‌ 6.30ന്‌ രാജേന്ദ്ര ഗംഗാനിയും സംഘവും അവതരിപ്പിക്കുന്ന കഥക്,

ശനി വൈകിട്ട്‌ 5.15ന്‌ സുനന്ദ നായരുടെ മോഹിനിയാട്ടം, 6.30ന്‌ ഷിജിത്ത് –പാര്‍വതി കൂട്ടുകെട്ടില്‍ ഭരതനാട്യം, ഞായർ വൈകിട്ട്‌ 6.30ന്‌ മീനാക്ഷി ശ്രീനിവാസന്റെ ഭരതനാട്യം, സമാപന ദിവസമായ തിങ്കളാഴ്‌ച സത്യനാരായണ രാജു അവതരിപ്പിക്കുന്ന ഭരതനാട്യം എന്നിവ അരങ്ങേറും. പ്രവേശനം സൗജന്യമാണ്.