ജനറൽ ആശുപത്രിയെ 
സൂപ്പർ സ്‌പെഷ്യാലിറ്റിയാക്കും

മൂവാറ്റുപുഴ​

മൂവാറ്റുപുഴ നഗരസഭയുടെ സമഗ്രവികസനത്തിന് പ്രാധാന്യം നൽകി എൽഡിഎഫ് തെരഞ്ഞെടുപ്പ് പ്രകടനപത്രിക ‘എൽഡിഎഫ് വരും, മൂവാറ്റുപുഴ വളരും’ പുറത്തിറക്കി.

ജനറൽ ആശുപത്രിയെ സൂപ്പർ സ്പെഷ്യാലിറ്റിയാക്കി ഉയർത്തുമെന്നും ടൗണിൽ മൾട്ടിലെവൽ പാർക്കിങ്‌ കോംപ്ലക്സ് നിർമിക്കുമെന്നും പ്രകടനപത്രികയിൽ വ്യക്തമാക്കി.

മൂവാറ്റുപുഴയിൽ ശബരിമല ഇടത്താവളം, നഗരസഭയ്‌ക്ക്‌ പുതിയ ഓഫീസ്, പ്രീമെട്രിക് ഹോസ്റ്റലിനെ പോസ്റ്റ് മെട്രിക് ഹോസ്റ്റലാക്കൽ, ഭവനരഹിതർക്ക് വീടും ഭൂരഹിതർക്ക് ഫ്ലാറ്റ്‌, വ്യാപാരികൾക്കായി ഗോഡൗൺ സൗകര്യമുള്ള ബഹുനില മാർക്കറ്റ്, കാർഷികോൽപ്പന്നങ്ങൾക്ക് ഓൺലൈൻ വിപണി.

ദുരന്തനിവാരണത്തിന് റസ്ക്യൂടീം, എം ഹെൽപ്, തൊഴിലിനും വ്യവസായത്തിനും സൈബർ പാർക്ക്, നഗരസൗന്ദര്യവൽക്കരണം, എല്ലാവർക്കും വീട് തുടങ്ങി വിവിധ പദ്ധതികൾ ഉൾപ്പെടുന്ന പത്രിക സിപിഐ എം ജില്ലാ സെക്രട്ടറി എസ് സതീഷ്, എൽഡിഎഫ്‌ നേതാക്കളായ അനീഷ് എം മാത്യു, ജോളി പൊട്ടയ്ക്കൽ, ഗോപി കോട്ടമുറിക്കൽ, പി ആർ മുരളീധരൻ, പി എം ഇസ്മായിൽ, ബാബു പോൾ, യു ആർ ബാബു, സജി ജോർജ്, എം എ സഹീർ, കെ ജി അനിൽകുമാർ, പി ബി അജിത്ത്കുമാർ എന്നിവർചേർന്ന്‌ പുറത്തിറക്കി. കെ പി അലികുഞ്ഞ് അധ്യക്ഷനായി.