ഡമ്മി നോട്ടുകെട്ടുകൾ കണ്ടെത്തി

കാക്കനാട്

കാക്കനാട് പാലച്ചുവട് ജങ്ഷനിൽ ഒഴിഞ്ഞപറമ്പിൽ ഉപേക്ഷിക്കപ്പെട്ടനിലയിൽ 2000 രൂപയുടെ ഡമ്മി കറൻസി കെട്ടുകൾ കണ്ടെത്തി. ശനി രാവിലെ ഏഴോടെ കാക്കനാട് പാലച്ചുവട് റോഡിനുസമീപം ആളൊഴിഞ്ഞപറമ്പിൽ നോട്ടുകെട്ടുകൾ കണ്ടെത്തിയ വിവരം പ്രദേശവാസികളാണ് പൊലീസിൽ അറിയിച്ചത്.

തൃക്കാക്കര പൊലീസ് സ്ഥലം പരിശോധിച്ചു. 2000 രൂപയുടെ 25 കെട്ടുകളാണ് ഇവിടെനിന്ന് കണ്ടെടുത്തത്.

പാലച്ചുവട് പ്രവർത്തിച്ചിരുന്ന സിനിമ, സീരിയൽ നിർമാണ കമ്പനി ഓഫീസ് രണ്ടുദിവസംമുമ്പ് ഒഴിഞ്ഞുപോയപ്പോൾ ഡമ്മി നോട്ടുകൾ സമീപത്ത് ഉപേക്ഷിച്ചതാകാമെന്നാണ് പ്രാഥമിക നിഗമനം. പൊലീസ് അന്വേഷണം ആരംഭിച്ചു.​