ആറൂർ ഗവ. സ്കൂൾ 75ന്റെ നിറവിൽ

പിറവം

ആറൂർ ഗവ. ഹൈസ്കൂൾ 75ന്റെ നിറവിൽ. 1951ലാണ് സ്കൂൾ ആരംഭിക്കുന്നത്. പിന്നീട് ഹൈസ്കൂൾ വിഭാഗവും പ്രവർത്തനമാരംഭിച്ചു. പഴയ മന്ദിരങ്ങൾ പൂർണമായും മാറ്റി സ്കൂൾ ഹൈടെക് നിലവാരത്തിലേക്ക് ഉയർന്നു.

ആഘോഷങ്ങളുടെ ഭാഗമായി വിളംബര ഘോഷയാത്ര, മെഗാ തിരുവാതിര, ക്രിസ്മസ് ആഘോഷം, കുട്ടികളുടെ വീട്‌ സന്ദർശനം, പ്രതിഭയെ അറിയാൻ പരിപാടി, ഗുരുവന്ദനം, പൂർവവിദ്യാർഥിസംഗമം, പ്രതിഭാസംഗമം തുടങ്ങി വിവിധ പരിപാടികൾ നടക്കും.