പോത്തുവളര്‍ത്തല്‍ സജീവം

മാനന്തവാടി കബനീ തീരങ്ങളില്‍ പോത്ത്‌ വളര്‍ത്തല്‍ സജീവമാകുന്നു. മാനന്തവാടിയുടെ പരിസര പ്രദേശങ്ങളിലുള്ള കര്‍ഷകരാണ് പോത്തുവളര്‍ത്തല്‍ വരുമാനമാര്‍ഗമാക്കുന്നത്. നിരവധി കര്‍ഷകരാണ് ദിവസവും കബനീ തീരത്ത് പോത്തുമായി എത്തുന്നത്. കബനി തീരത്തെ വെള്ളത്തിന്റെയും പുല്ലിന്റെയും ലഭ്യത കർഷകർക്ക്‌ സഹായകമാകുന്നു. വലിയ ചെലവില്ലാതെ പരിമിതമായ പാര്‍പ്പിട സൗകര്യമൊരുക്കിയാല്‍ മതിയാകും. തീറ്റച്ചെലവും അധ്വാനഭാരവും കുറവ്, കാര്യമായ രോഗബാധയില്ല, നന്നായി പരിപാലിച്ചാല്‍ ഇരട്ടിയിലധികം ലാഭം എന്നിവയും പോത്തുവളര്‍ത്തലിന് അനുകൂല ഘടകങ്ങളാണ്. വെള്ളത്തില്‍ കിടന്ന് ശരീരം തണുപ്പിക്കാന്‍ കഴിഞ്ഞാല്‍ പോത്തുകൾ നന്നായി തീറ്റയെടുക്കുകയുംചെയ്യും. വരുമാനം ഉറപ്പിക്കാനുള്ള മികച്ച മാർഗമാണ് പോത്തുവളര്‍ത്തലെന്ന്‌ കർഷകർ പറയുന്നു.