കയ്യൂർ, ചെറുവത്തൂർ, കുമ്പള ഡിവിഷനിൽ 
പൊതുപര്യടനം 
ഇന്ന്‌ തുടങ്ങും

ചെറുവത്തൂർ

ജില്ലാ പഞ്ചായത്ത്‌ കയ്യൂർ, ചെറുവത്തൂർ, കുമ്പള ഡിവിഷനുകളിലെ എൽഡിഎഫ്‌ സ്ഥാനാർഥികളുടെ പൊതുപര്യടനം വെള്ളിയാഴ്‌ച തുടങ്ങും. കയ്യൂർ ഡിവിഷൻ സ്ഥാനാർഥി ഒക്ലാവ്‌ കൃഷ്‌ണന്റെ പര്യടനം വെള്ളിയാഴ്‌ച രാവിലെ 9.30ന്‌ കയ്യൂർ കോയിത്താറ്റിൽനിന്നും ആരംഭിക്കും. മുതിർന്ന നേതാവ്‌ പി കരുണാകരൻ ഉദ്‌ഘാടനംചെയ്യും. വൈകിട്ട്‌ 6.30ന്‌ കൽനടയിൽ സമാപന യോഗം സിപിഐ എം ജില്ലാ സെക്രട്ടറി എം രാജഗോപാലൻ എംഎൽഎ ഉദ്‌ഘാടനം ചെയ്യും. ശനിയാഴ്‌ച രാവിലെ 9.30ന്‌ കുന്നുംകൈയിൽ നിന്നും ആരംഭിച്ച്‌ വൈകിട്ട്‌ ആറിന്‌ ബിരിക്കുളത്ത്‌ സമാപിക്കും. ഞായറാഴ്‌ച രാവിലെ 9.30ന്‌ കോളംകുളത്തുനിന്ന്‌ ആരംഭിച്ച്‌ വൈകിട്ട്‌ ആറിന്‌ ചായ്യോത്ത്‌ എൻ ജി സ്‌മാരക കലാവേദി പരിസരത്ത്‌ സമാപിക്കും. ചെറുവത്തൂർ ഡിവിഷൻ സ്ഥാനാർഥി ഡോ. സെറീനാ സലാമിന്റെ പര്യടനം വെള്ളിയാഴ്‌ച രാവിലെ ഒന്പതിന്‌ മാടക്കാൽ സെൻട്രലിൽ നിന്നും ആരംഭിക്കും. സിപിഐ എം ജില്ലാ സെക്രട്ടറിയറ്റംഗം പി ജനാർദനൻ ഉദ്‌ഘാടനംചെയ്യും. വൈകിട്ട്‌ തെക്കേക്കാട്‌ സമാപിക്കും. ശനിയാഴ്‌ച രാവിലെ പോട്ടച്ചാലിൽനിന്നും ആരംഭിച്ച്‌ വൈകിട്ട്‌ കാവുഞ്ചിറയിൽ സമാപിക്കും. ഞായറാഴ്‌ച രാവിലെ അച്ചാംതുരുത്തിയിൽ നിന്നാരംഭിച്ച്‌ വൈകിട്ട്‌ വെള്ളാട്ട്‌ സമാപിക്കും. കുന്പള ഡിവിഷൻ സ്ഥാനാർഥി കെ ബി യൂസുഫിന്റെ പര്യടനം വെള്ളിയാഴ്‌ച തുടങ്ങും. വെള്ളി പകൽ 2.30ന് കളത്തൂറിൽ സിപിഐ എം ജില്ലാസെക്രട്ടറിയറ്റ്‌ അംഗം വി പി പി മുസ്‌തഫ ഉദ്ഘാടനംചെയ്യും. വൈകിട്ട്‌ 7.45ന്‌ കോയിപ്പാടി കടപ്പുറത്ത്‌ സമാപിക്കും. ശനി പകൽ 2.30ന് പുത്തൂർ കടവത്ത്‌ ജങ്‌ഷനിൽ ആരംഭിച്ച്‌ വൈകിട്ട്‌ 7.45ന്‌ ഹേരൂരിൽ സമാപിക്കും. ഞായർ പകൽ 2.30ന്‌ മുളിയടുക്കയിൽ തുടങ്ങി വൈകിട്ട്‌ 7.45ന്‌ ബദ്രിയ നഗറിൽ സമാപിക്കും.