അഴിമതിക്കെതിരായ ജനവിധി

കുന്പള

അഴിമതിയും സ്വജനപക്ഷപാതവും കെടുകാര്യസ്ഥതയും നടമാടുന്ന തദ്ദേശസ്ഥാപനങ്ങളാണ്‌ കുന്പള ജില്ലാപഞ്ചായത്ത്‌ ഡിവിഷനിൽ. ജനവിധി എന്തും ചെയ്യാനുള്ള അധികാരമാണെന്ന്‌ തോന്നിപ്പിക്കുന്നുണ്ട്‌ ജനങ്ങളെ പരിഗണിക്കാത്ത ഭരണം. മനം മടുത്ത ജനത ഇത്തവണ കുന്പളയിൽ ഇടതുപക്ഷത്തെ സ്വീകരിക്കും. മുസ്ലിംലീഗ്‌ ഭരിക്കുന്ന കുന്പള പഞ്ചായത്തിലെ ഒന്നുമുതൽ 24 വരെ വാർഡുകൾ, മംഗൽപാടിയിലെ പത്തുമുതൽ 18 വരെ വാർഡുകൾ, മൊഗ്രാൽ പുത്തൂരിലെ 1, 3 വാർഡുകൾ എന്നിവ ചേർന്നാൽ കുന്പള ഡിവിഷനായി. കാസർകോട്‌ ബ്ലോക്ക്‌ പഞ്ചായത്തിലെ ആരിക്കാടി, മൊഗ്രാൽ, കുന്പള റെയിൽവേ സ്‌റ്റേഷൻ, മഞ്ചേശ്വരം ബ്ലോക്ക്‌ പഞ്ചായത്തിലെ ബന്തിയോട്‌ എന്നിങ്ങനെ അഞ്ച്‌ ബ്ലോക്ക്‌ ഡിവിഷനുകൾ. സിപിഐ എം കുന്പള ലോക്കൽസെക്രട്ടറിയും മുന്‍ ഏരിയാകമ്മിറ്റി അംഗവും കര്‍ഷകസംഘം കുന്പള ഏരിയാകമ്മിറ്റി അംഗവുമായ കെ ബി യൂസുഫാണ്‌ എൽഡിഎഫ്‌ സ്ഥാനാർഥി. മുളിയടുക്കം ജമാഅത്ത് കമ്മിറ്റി വൈസ് പ്രസിഡന്റായ യൂസുഫ്‌ പതിറ്റാണ്ടുകളായി ജനങ്ങൾക്കിടയിൽ പ്രവർത്തിക്കുന്ന പരിചിത മുഖമാണ്‌. കുന്പള പഞ്ചായത്തിലെ അഴിമതിക്കഥകൾ കേട്ട്‌ മടുത്ത ജനതയാണിത്‌. ഇതിന്‌ അറുതിവരുത്തി പഞ്ചായത്ത്‌ ഭരണവും ജില്ലാപഞ്ചായത്ത്‌ ഡിവിഷനും എൽഡിഎഫിന്റെ കൈകളിൽ സുരക്ഷിതമാക്കണമെന്നാണ്‌ കെ ബി യൂസഫ്‌ വോട്ടർമാരോട്‌ ആവശ്യപ്പെടുന്നത്‌. ഭരണസമിതി അംഗങ്ങൾ ചായ കുടിച്ചതിന്‌ മാത്രം 15 ലക്ഷം രൂപ എഴുതിയെടുത്തും ശ്‌മശാന ഭൂമിയിലെ മരം മുറിച്ച്‌ കടത്തിയും ഇലക്ട്രിക്‌ പോസ്‌റ്റുകളുടെ എണ്ണത്തേക്കാൾ തെരുവുവിളക്ക്‌ സ്ഥാപിച്ച്‌ നാല്‌ കോടി രൂപയും അടിച്ചുമാറ്റി അഴിമതിക്കഥ കേട്ട്‌ നാട്‌ ഞെട്ടിയതാണ്‌. ഇതിന്‌ അറുതിവരുത്താൽ വോട്ടർമാർ തീരുമാനിച്ചാൽ ഡിവിഷനിലെ ചിത്രം മാറും. അതിന്‌ ജനം തയ്യാറെടുക്കുന്നുവെന്ന്‌ വ്യക്തമാക്കുന്നതാണ്‌ സ്ഥാനാർഥി പര്യടനത്തിലെ ആവേശക്കാഴ്‌ച. ​മുസ്ലിംലീഗിലെ അസീസ് കളത്തൂരാണ്‌ യുഡിഎഫ്‌ സ്ഥാനാർഥി. സുനില്‍ അനന്തപുരം ബിജെപിക്കായി മ്ത്സരിക്കുന്നു. സ്വതന്ത്രനായി കേശവ നായ്കുമുണ്ട്‌.