അഖിലേന്ത്യ പണിമുടക്ക്‌: 
പ്രചാരണ ജാഥകൾ തുടരുന്നു

കാസർകോട്‌

കേന്ദ്ര സർക്കാരിന്റെ തൊഴിലാളി വിരുദ്ധ കർഷകദ്രോഹ നയങ്ങൾക്കെതിരെ ഒമ്പതിന് സംയുക്ത ട്രേഡ് യൂണിയൻ നേതൃത്വത്തിൽ നടക്കുന്ന അഖിലേന്ത്യാ പണിമുടക്കിന്റെ പ്രചരണാർഥം സംയുക്ത ട്രേഡ് യൂണിയൻ നേതൃത്വത്തിൽ നടക്കുന്ന ജാഥകൾക്ക്‌ വിവിധ കേന്ദ്രങ്ങളിൽ സ്വീകരണം. ലേബർ കോഡുകൾ പിൻവലിക്കുക, വിലക്കയറ്റം തടയുക, പൊതുമേഖല ഓഹരി വിൽപ്പന അവസാനിപ്പിക്കുക, സ്‌കീം വർക്കർമാരെ തൊഴിലാളികളെ അംഗീകരിക്കുക തുടങ്ങിയ ആവശ്യങ്ങൾ ഉന്നയിച്ചാണ്‌ പണിമുടക്ക്‌. രാജപുരം സംയുക്ത ട്രേഡ് യൂണിയൻ കള്ളാർ പഞ്ചായത്ത് കമ്മിറ്റി നേതൃത്വത്തിൽ കള്ളാറിൽ നിന്നും മാലക്കല്ലിലേക്ക്‌ സംഘടിപ്പിച്ച കാൽനടജാഥ സിഐടിയു ജില്ലാ വൈസ് പ്രസിഡന്റ് പി ശാന്തകുമാരി ഉദ്ഘാടനം ചെയ്യുന്നു. സിഐടിയു ജില്ലാ വൈസ് പ്രസിഡന്റ് പി ശാന്തകുമാരി ഉദ്ഘാടന ചെയ്തു. എ രാഘവൻ അധ്യക്ഷനായി. സിപിഐ എം ഏരിയാ സെക്രട്ടറി ഒക്ലാവ് കൃഷ്ണൻ, സിഐടിയു ഏരിയാ സെക്രട്ടറി പി കെ രാമചന്ദ്രൻ, ബേബി പന്തല്ലൂർ, ടോമി വാഴപ്പള്ളിയിൽ എന്നിവർ സംസാരിച്ചു. കെ വി സുനിൽ സ്വാഗതം പറഞ്ഞു. നിലേശ്വരം നിലേശ്വരം മുനിസിപ്പൽ ജാഥ തൈക്കടപ്പുറത്ത് രവീന്ദ്രൻ മാണിയാട്ട് ഉദ്ഘാടനം ചെയ്തു. ഒ വി രവിന്ദ്രൻ ലീഡറും രമേശൻ കാര്യങ്കോട് മാനേജരുമായ ജാഥ നിലേശ്വരം കോൺവന്റ്‌ ജങ്ഷനിൽ സമാപിച്ചു. സമാപന യോഗം കെ ഉണ്ണി നായർ ഉദ്ഘാടനം ചെയ്തു. വെങ്ങാട്ട് ശശി, രമേശൻകാര്യങ്കോട്, ഒ വി രവിന്ദ്രൻ എന്നിവർ സംസാരിച്ചു. മടിക്കൈ അമ്പലത്തുകര വില്ലേജ്‌ ജാഥ പൂത്തക്കാലിൽ മടത്തിനാട്ട് രാജൻ ഉദ്ഘാടനംചെയ്തു. എം കുഞ്ഞമ്പു ലീഡറും വി പ്രകാശൻ മാനേജരുമായ ജാഥ വിവിധ സ്വീകരണൾക്ക് ശേഷം അമ്പലത്തുകരയിൽ സമാപിച്ചു. സമാപന യോഗം കെ നാരായണൻ ഉദ്ഘാടനംചെയ്തു. ഒ കുഞ്ഞികൃഷ്ണൻ, എം കുഞ്ഞമ്പു, വി കെ ശശിധരൻ, വി പ്രകാശൻ, ജ്യോതി അലൈ, കെ വി ബാലൻ എന്നിവർ സംസാരിച്ചു. വലിയപറമ്പ് വലിയപറമ്പ് പഞ്ചായത്ത് ജാഥ പടന്നക്കടപ്പുറത്ത് എം വി ചന്ദ്രൻ ഉദ്ഘാടനം ചെയ്തു. ഇ കെ ഷാജി അധ്യക്ഷനായി. കൊളങ്ങര മധു ലീഡറും കെ എസ് മധുസൂദനൻ മാനേജരുമായ ജാഥ ഇടയിലെക്കാട് സമാപിച്ചു. എം ഗംഗാധരൻ ഉദ്ഘാടനം ചെയ്തു. കെ വിജേഷ് അധ്യക്ഷനായി. വിവിധ കേന്ദ്രങ്ങളിൽ വി വി ഉത്തമൻ,സി വിജയൻ, കൊളങ്ങര രാമൻ, കെ മനോഹരൻ എന്നിവർ സംസാരിച്ചു. ഭീമനടി വെസ്റ്റ് എളേരി പഞ്ചായത്ത് ജാഥ മാങ്ങോട് എഐടിയുസി ജില്ലാ സെക്രട്ടറി എം കുമാരൻ ഉദ്ഘടനം ചെയ്തു. കുഞ്ഞികണ്ണൻ പപ്പനാട്ട് അധ്യക്ഷനായി. വിവിധ കേന്ദ്രങ്ങളിൽ ലീഡർ സുമ ശശി, സിഐടിയു ഏരിയ സെക്രട്ടറി കെ എസ് ശ്രീനിവാസൻ, പി വി തമ്പാൻ, എം സി രാധാകൃഷ്ണൻ എന്നിവർ സംസാരിച്ചു. സമാപനയോഗം സിഐടിയു ഏരിയ പ്രസിഡന്റ്‌ ജോസ് പതാലിൽ ഉദ്ഘാടനം ചെയ്തു. സി പി സുരേശൻ അധ്യക്ഷനായി.എം എൻ രാജൻ സ്വാഗതം പറഞ്ഞു.