അഖിലേന്ത്യ പണിമുടക്ക് കാല്‍നട ജാഥകൾ തുടങ്ങി

കാഞ്ഞങ്ങാട്

കേന്ദ്ര സർക്കാരിന്റെ തൊഴിലാളി വിരുദ്ധ കർഷക ദ്രോഹ നയങ്ങൾക്കെതിരെ 9ന് സംയുക്ത ട്രേഡ് യൂണിയൻ നേതൃത്വത്തിൽ നടക്കുന്ന ദേശീയ പണിമുടക്കിന്റെ പ്രചരണാർഥം സംയുക്ത ട്രേഡ് യൂണിയൻ കാഞ്ഞങ്ങാട് മുനിസിപ്പൽ കമ്മിറ്റി നേതൃത്വത്തിൽ കല്ലൂരാവിയിൽ നിന്നാരംഭിച്ച കാൽനട ജാഥ കെ വി രാഘവൻ ഉദ്ഘാടനം ചെയ്തു. യു കെ ജയപ്രകാശൻ അധ്യക്ഷനായി. എ മാധവൻ, അഡ്വ. കെ വി രാമചന്ദ്രൻ, കെ കുഞ്ഞിക്കണ്ണൻ, വി വി പ്രസന്നകുമാരി, ജാഥ ലീഡർ കെ കെ വത്സലൻ, മാനേജർ എ കെ ആൽബർട്ട് എന്നിവർ സംസാരിച്ചു. എം ആർ ദിനേശൻ സ്വാഗതം പറഞ്ഞു. മൊഗ്രാൽപുത്തൂർ സംയുക്ത ട്രേഡ് യൂണിയൻ 9ന് നടത്തുന്ന അഖിലേന്ത്യാ പണിമുടക്കിന്റെ പ്രചാരണാർഥം മൊഗ്രാൽപുത്തൂർ പഞ്ചായത്തിൽ കാൽനട ജാഥ നടത്തി. ചൗക്കിയിൽ സിഐടിയു ജില്ലാകമ്മിറ്റി അംഗം എ ആർ ധന്യവാദ് ഉദ്‌ഘാടനംചെയ്തു. അസീസ് കുന്നിൽ അധ്യക്ഷനായി. എൻ ജി സനോജ് സ്വാഗതം പറഞ്ഞു. വിവിധ കേന്ദ്രങ്ങളിൽ എ പി റഫീഖ്, പി വി കുഞ്ഞമ്പു, കെ കുഞ്ഞിരാമൻ, സഫീർ സമീർ, ഇ എം എസ് റൗഫ്, കരീം മയിൽപ്പാറ, അസ്‌കർ കടവത്ത്‌, ഹമീദ് പഞ്ചത്, ഹമീദ് ചൗക്കി എന്നിവർ സംസാരിച്ചു. എരിയാലിൽ സമാപന പൊതുയോഗം എൻഎൽയു സംസ്ഥാന സെക്രട്ടറി സി എം എ ജലീൽ ഉദ്‌ഘാടനം ചെയ്തു.