ലഹരിക്കെതിരെ കൈകോർത്ത് 
മിൽമയും വിദ്യാർഥികളും

കാഞ്ഞങ്ങാട്‌

മിൽമ കാസർകോട്‌ ഡയറിയുടെ നേതൃത്വത്തിൽ കുണിയ ആർട്സ് ആൻഡ് സയൻസ് കോളജുമായി ചേർന്ന് "ബ്രേക്ക് ദ സൈക്കിൾ സ്റ്റോപ്പ് ഓർഗനൈസ്ഡ് ക്രൈം’ എന്ന മുദ്രാവാക്യമുയർത്തി മയക്കുമരുന്ന് വിരുദ്ധ ബോധവൽക്കരണ സംഘടിപ്പിച്ചു. കുണിയ കോളേജ് ആന്റി- നാർക്കോട്ടിക് സെല്ലിന്റെയും എൻഎസ്എസ് യൂണിറ്റിന്റെയും സഹകരണത്തോടെയായിരുന്നു പരിപാടി. പ്രിൻസിപ്പൽ ഡോ. ഫായിസ് അബ്ദുള്ള ഉദ്ഘാടനം ചെയ്തു. മിൽമ കാസർകോട്‌ ഡയറി മാനേജർ സ്വീറ്റി വർഗീസ് അധ്യക്ഷനായി. അൻഷാന, സിവിൽ എക്സൈസ് ഓഫീസർ ചാൾസ് ജോസ് എന്നിവർ ക്ലാസെടുത്തു. പ്രോഗ്രാം ഓഫീസർ ഡോ. ടി സി ജീന സ്വാഗതം പറഞ്ഞു.