പ്രവാസി ദോഹ ബഷീർ പുരസ്‌കാരം സമ്മാനിച്ചു

കാഞ്ഞങ്ങാട്‌

പ്രവാസി ദോഹ, വൈക്കം മുഹമ്മദ് ബഷീറിന്റെ പേരിൽ ഏർപ്പെടുത്തിയ 27–-ാമത് പുരസ്കാരം ശിൽപി കാനായി കുഞ്ഞിരാമന് സംവിധായകനും എഴുത്തുകാരനുമായ എം എ റഹ്മാൻ സമ്മാനിച്ചു. പ്രൊഫ. എം എൻ വിജയൻ സ്മാരക എൻഡോവ്‌മെന്റ്‌ സ്കോളർഷിപ്പ് കുട്ടമത്ത് ഹൈസ്കൂളിലെ പത്താംതരം വിദ്യാർഥിനി കെ പി വൈഷ്ണവിക്ക് ബാലചന്ദ്രൻ പുതുക്കുടി സമ്മാനിച്ചു. കെ എസ് വെങ്കടാചലം, കെ കെ സുധാകരൻ, പി മുരളീധരൻ, സുറാബ്, അനീസ് ബഷീർ, പി ഷംസുദ്ദീൻ, കെ വി സജീവൻ, ഡോ. എ ടി മോഹൻരാജ്, എൻ സന്തോഷ്കുമാർ, കെ വി ശരത്ചന്ദ്രൻ, പി ജി ഷാജിമോൻ, കാമ്പുറത്ത് ജഗദീപ് തുടങ്ങിയവർ സംസാരിച്ചു. പുരസ്‌കാരത്തുക രണ്ട് സാമൂഹ്യ സേവന സംഘടനകൾക്കായി കാനായി കുഞ്ഞിരാമൻ നൽകി. അമ്പലത്തറയിലെ ആകാശപറവകളുടെ കൂട്ടുകാർക്കുവേണ്ടി സ്നേഹാലയ ചാരിറ്റബിൾ ട്രസ്റ്റ് ഡയറക്ടർ ബ്രദർ ഈശോദാസും ഏച്ചിക്കാനം വിദ്യാമന്ദിരം ബാലസദനത്തിനുവേണ്ടി സ്കൂൾ പ്രസിഡന്റ്‌ സി യതീനും ഏറ്റുവാങ്ങി.