രാഹുലിന്റെ വീട്ടിലേക്ക്‌ 
വിദ്യാർഥി മാർച്ച്‌

പത്തനംതിട്ട
ഗുരുതര  ലൈംഗികാരോപണങ്ങൾ നേരിടുന്ന രാഹുൽ മാങ്ക‍ൂട്ടത്തിൽ എംഎൽഎയുടെ അടൂർ മുണ്ടപ്പള്ളിയിലെ വീട്ടിലേക്ക്‌ എസ്‌എഫ്‌ഐ ജില്ലാ കമ്മിറ്റിയുടെ നേതൃത്വത്തിൽ വിദ്യാർഥികൾ പ്രതിഷേധ മാർച്ച്‌ സംഘടിപ്പിച്ചു. പെൺകുട്ടിയെ ലൈംഗികമായി പീഡിപ്പിച്ചതും അശാസ്ത്രീയ ഗർഭഛിദ്രത്തിന്‌ നിർബന്ധിച്ചതും  കൊല്ലുമെന്ന് ഭീഷണിപ്പെടുത്തിയതുമടക്കമുള്ള ഗുരുതര ആരോപണങ്ങളാണ്‌ രാഹുലിനെതിരായുള്ളത്‌.
പ്രതിഷേധമാർച്ച്‌ എസ്‌എഫ്‌ഐ സംസ്ഥാന വൈസ് പ്രസിഡന്റ്‌ കെ എസ്‌ അമൽ ഉദ്‌ഘാടനം ചെയ്തു. ജില്ലാ സെക്രട്ടറിയറ്റംഗം പി എസ് അഭിജിത്ത് അധ്യക്ഷനായി.  
ജില്ലാ സെക്രട്ടറി അനന്ദു മധു, അടൂർ ഏരിയ സെക്രട്ടറി പ്രണവ് ജയകുമാർ, ജില്ലാ സെക്രട്ടറിയറ്റ് അംഗങ്ങളായ ദീപു ബാലൻ, ശരൺ, അനന്ദു എസ് പിള്ള, ഷാരീഫ് സലിം എന്നിവരും സംസാരിച്ചു.