കലാകിരീടം ചൂടി പത്തനംതിട്ട

കോഴഞ്ചേരി

ജില്ലാ സ്‌കൂൾ കലോത്സവത്തിൽ കലാകിരീടം നിലനിർത്തി പത്തനംതിട്ട ഉപജില്ല. ..... പോയിന്റോടെയാണ്‌ പത്തനംതിട്ട ജേതാക്കളാകുന്നത്‌. ഇത്‌ ..... തവണയാണ്‌ ഓവറോൾ കിരീടം നേടുന്നത്‌. തിരുവല്ല ഉപജില്ലാ രണ്ടാം സ്ഥാനത്തും കോന്നി മൂന്നാം സ്ഥാനത്തുമെത്തി. വ്യക്തിഗത സ്‌കൂൾ വിഭാഗത്തിൽ കിടങ്ങന്നൂർ എസ്‌വിജിവിഎച്ച്‌എസ്‌എസ്‌ ചാമ്പ്യന്മാരായി. വെണ്ണിക്കുളം സെന്റ്‌ ബെഹനാൻസും പത്തനംതിട്ട കാതോലിക്കേറ്റ്‌ സ്‌കൂളും തൊട്ടുപിന്നിലായെത്തി.

സമാപനസമ്മേളനം കലക്ടർ എസ്‌ പ്രേംകൃഷ്‌ണൻ ഉദ്‌ഘാടനം ചെയ്‌തു. വിദ്യാഭ്യാസ ഉപഡയറക്ടർ ബി ആർ അനില അധ്യക്ഷയായി. പത്തനംതിട്ട ഡിവൈഎസ്‌പി എസ്‌ ന്യുഅ്‌മാൻ സമ്മാനവിതരണം നടത്തി.

​

പദ്മ നടി, മാധവ്‌ നടൻ

ഹയർസെക്കൻഡറി വിഭാഗം നാടക മത്സരത്തിൽ പന്തളം എൻഎസ്എസ്എച്ച്എസ്എസിലെ പദ്മ രതീഷ് മികച്ച നടിയായി. അച്ഛൻ മഹാത്മാഗാന്ധി സർവകലാശാല സെക്ഷൻ ഓഫീസർ ഡോ. രതീഷ് കുമാറിന്റെ "വീടോർമകൾ’ എന്ന ചെറുകഥയ്ക്ക് അമ്മ പ്രിയത ഭരതൻ (അഞ്ചൽ ശബരിഗിരി ബിഎഡ് കോളേജ്‌ അസി. പ്രൊഫസർ) നാടക രചനയും സംവിധാനവും നിർവഹിച്ച നാടകത്തിലെ അഭിനയത്തിനാണ്‌ അംഗീകാരം. തൊഴിലില്ലായ്മ, പരിസ്ഥിതി ചൂഷണം, ഉരുൾപൊട്ടൽ, ഭക്ഷ്യപ്രതിസന്ധി ആരോഗ്യ മേഖലയിലെ ചൂഷണം തുടങ്ങി വിഷയങ്ങളാണ് ആവിഷ്‌കരിച്ചത്. നാടകത്തിന് രണ്ടാം സ്ഥാനവും എ ഗ്രേഡും ലഭിച്ചു. രണ്ടാം തവണയാണ് പദ്മ നടിയാകുന്നത്. കലോത്സവത്തിൽ മോണോ ആക്ടിന് ഒന്നാംസ്ഥാനവും ലഭിച്ചു.

ഹൈസ്കൂൾ വിഭാഗം മികച്ചനടൻ പന്തളം എൻഎസ്എസ് ഹൈസ്കൂളിലെ ഒന്പതാം ക്ലാസ്‌ വിദ്യാർഥി ജി മാധവ്. പ്രിയത ഭരതൻ രചനയും സംവിധാനവും നിർവഹിച്ച ‘തെന്നാലിരാമൻ’ നാടകത്തിലെ കഥാപാത്രത്തിലൂടെയാണ്‌ മികച്ച നടനായത്‌. കുരമ്പാല ചിത്തിയിൽ ജിജി കുമാറിന്റെയും ശ്രീലേഖയുടേയും മകനാണ്.