നാലാംപ്രതിയായ 19കാരി അറസ്റ്റിൽ

പത്തനംതിട്ട

ഓൺലൈനിലൂടെ വ്യക്തികളുടെ സ്വകാര്യവിവരങ്ങൾ ചോർത്തി വൻ തട്ടിപ്പ് നടത്തിയ സംഘത്തിലെ നാലാം പ്രതിയും ഉത്തർപ്രദേശ് സ്വദേശിയുമായ 19കാരിയെ പത്തനംതിട്ട സൈബർ പൊലീസ് അറസ്റ്റ് ചെയ്തു. ഉത്തർപ്രദേശ് വാരാണസി സ്വദേശിയായ അനേയ എന്നു വിളിക്കുന്ന പലക് സിങ്ങാണ്‌ (19) അറസ്റ്റിലായത്.

വ്യക്തികളുടെ സ്വകാര്യവിവരങ്ങളും മൊബൈൽ നമ്പരുകളുടെ ലൈവ് ലൊക്കേഷനുകളും കോൾ ഡേറ്റ റെക്കോർഡുകളും നിയമ നിർവഹണ ഏജൻസികൾ അറിയാതെ ചോർത്തിയെടുത്ത് ലക്ഷങ്ങളുടെ തട്ടിപ്പ് നടത്തിയ കേസിലെ നാലാം പ്രതിയാണ്‌. കേസിലെ ഒന്നാം പ്രതിയായ അടൂർ സ്വദേശി ജോയല്‍ വി ജോസിനെയും സഹായിയായി പ്രവർത്തിച്ച രണ്ടാം പ്രതി ഗുജറാത്ത് അഹമ്മദാബാദ് സ്വദേശി ഹിരാൽ ബെൻഅനൂജ് പട്ടേലിനെയും മൂന്നാം പ്രതി ഉത്തർപ്രദേശ്‌ പ്രതാപ്ഗർ ജില്ലാ പൊലീസ് സൂപ്രണ്ടിന്റെ കോൾസർവയലൻസ് ഓഫീസറായിരുന്ന കോൺസ്റ്റബിൽ പ്രവീൺകുമാറിനെയും അന്വേഷണസംഘം മുമ്പ് അറസ്റ്റ് ചെയ്തിരുന്നു. പ്രത്യേക അന്വേഷണസംഘം രൂപികരിച്ചായിരുന്നു അന്വേഷണം. വാരാണസിയിൽ നിന്നാണ്‌ പ്രതിയെ അറസ്റ്റ് ചെയ്തത്‌.