ബിഎസ്എൻഎൽ ജീവനക്കാർ അണിചേരും

പാലക്കാട്‌

ഒമ്പതിന്‌ നടക്കുന്ന ദേശീയ പണിമുടക്കിൽ അണിചേരാൻ ബിഎസ്എൻഎൽ ജീവനക്കാരുടെ ജില്ലാ കൺവൻഷൻ തീരുമാനിച്ചു. പുതിയ തൊഴിൽ നിയമങ്ങൾ പിൻവലിക്കുക, പഴയ പെൻഷൻ പദ്ധതി പുനഃസ്ഥാപിക്കുക, പെൻഷൻ ബില്ലിലെ പ്രതിലോമ ഭേദഗതി പിൻവലിക്കുക, രണ്ടാം വിആർഎസ് പദ്ധതി ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചു. കൺവൻഷൻ ബിഎസ്എൻഎൽ എംപ്ലോയീസ് യൂണിയൻ സംസ്ഥാന സെക്രട്ടറി എം വിജയകുമാർ ഉദ്ഘാടനം ചെയ്തു. എഐബിഡിപിഎ ജില്ലാ സെക്രട്ടറി ജി രാജൻ അധ്യക്ഷനായി. എഐബിഡിപിഎ സംസ്ഥാന അസി. സെക്രട്ടറി പി ആർ പരമേശ്വരൻ, ബിഎസ്എൻഎൽഇയു സംസ്ഥാന അസി. സെക്രട്ടറി യു ആർ രഞ്ജീവ്, ജില്ലാ പ്രസിഡന്റ്‌ കെ വി മധു, ആകാശ് (എൻഎഫ്പിഇ), എഐബിഡിപിഎ ജില്ലാ പ്രസിഡന്റ്‌ കെ വേണുഗോപാൽ, ജോ. സെക്രട്ടറി വി രാധാകൃഷ്ണൻ എന്നിവർ സംസാരിച്ചു. ബിഎസ്എൻഎൽഇയു ജില്ലാ സെക്രട്ടറി എ പ്രസീല സ്വാഗതവും എൻ വി ഡിബിൻ നന്ദിയും പറഞ്ഞു.