വാട്ടർ അതോറിറ്റി എംപ്ലോയീസ് യൂണിയൻ വനിതാ കൺവൻഷൻ

കോഴിക്കോട് കേരള വാട്ടർ അതോറിറ്റി എംപ്ലോയീസ് യൂണിയൻ (സിഐടിയു) സംസ്ഥാന വനിതാ കൺവൻഷൻ സരോജ്ഭവനിൽ ജനാധിപത്യ മഹിളാ അസോസിയേഷൻ സംസ്ഥാന സമിതി അംഗം ഉഷാദേവി ഉദ്ഘാടനംചെയ്തു. സംസ്ഥാന പ്രസിഡ​ന്റ് പി കരുണാകരൻ അധ്യക്ഷനായി. സിഐടിയു സംസ്ഥാന കമ്മിറ്റി അംഗം പത്മജ മുഖ്യപ്രഭാഷണം നടത്തി. സംസ്ഥാന സെക്രട്ടറി പി ഉണ്ണികൃഷ്ണൻ, സംസ്ഥാന വൈസ് പ്രസിഡന്റ് കെ ജി ബിന്ദു, സംസ്ഥാന വനിതാ കൺവീനർ കെ രമ, സംസ്ഥാന ട്രഷറർ ഷാജി, സിഐടിയു ജില്ലാ ട്രഷറർ പി കെ സന്തോഷ്, വർക്കിങ് വുമൺസ് ജില്ലാ കൺവീനർ റെജില, മിനിമോൾ എന്നിവർ സംസാരിച്ചു. രമ്യ രക്തസാക്ഷി പ്രമേയവും രാജിമോൾ അനുശോചന പ്രമേയവും അവതരിപ്പിച്ചു. റീജ സ്വാഗതവും ഇന്ദു നന്ദിയും പറഞ്ഞു.