മലയോര ജനതയുടെ ഹൃദയത്തിലേറി

സ്വന്തം ലേഖകൻ നാദാപുരം ജനക്ഷേമം മുൻനിർത്തിയുള്ള പദ്ധതികളും സമഗ്ര വികസനക്കാഴ്‌ചപ്പാടുകളുമായി മുന്നേറുന്ന കായക്കൊടി ഡിവിഷനിൽ മലയോര ജനതയുടെ ഹൃദയവായ്‌പുകൾ ഏറ്റുവാങ്ങി ജില്ലാ പഞ്ചായത്ത് സ്ഥാനാർഥി രാധിക ചിറയിൽ പര്യടനം തുടങ്ങി. അഞ്ചുവർഷം ജില്ലാ പഞ്ചായത്ത് നടപ്പാക്കിയ വികസന പ്രവർത്തനങ്ങളുടെ തുടർച്ചയ്ക്കായാണ്‌ ഇടതുമുന്നണി വോട്ടഭ്യർഥിക്കുന്നത്‌. രാവിലെ കല്ലുനിരയിൽനിന്ന്‌ പര്യടനം ആരംഭിച്ചു. പ്രിയസാരഥിയെ വരവേൽക്കാനായി നാടാകെ അണിനിരന്നിരുന്നു. പൂക്കൾ നൽകിയും ഹാരാർപ്പണം നടത്തിയും മുദ്രാവാക്യം വിളിച്ചും സ്വീകരിച്ചു. വിജയം സുനിശ്ചിതമാണെന്ന് പ്രഖ്യാപിക്കുന്നതായിരുന്നു ഓരോസ്വീകരണ കേന്ദ്രങ്ങളും. അരുവിക്കര, വളയം ടൗൺ, കുയ്തേരി, കുറ്റിക്കാട്, മഞ്ചാന്തറ, അച്ചംവീട്, നീലാണ്ട്, ചുഴലി, പരപ്പുപാറ, പുതുക്കയം, നിടുംപറമ്പ്, കരുകുളം എന്നിവിടങ്ങളിലെ സ്വീകരണശേഷം വിലങ്ങാട് ട‍ൗണിൽ സമാപിച്ചു. എൽഡിഎഫ് നേതാക്കളായ എ മോഹൻദാസ്, പി സി ഷൈജു, വത്സരാജ് മണലാട്ട്, പി സുരേഷ് ബാബു, കെ കെ മോഹൻദാസ്, പി ഭാസ്കരൻ, ടി കെ ബിജു, കെ ബാബു എന്നിവർ വിവിധ കേന്ദ്രങ്ങളിൽ സംസാരിച്ചു.