ജമാഅത്തെ ഇസ്ലാമി യുഡിഎഫ് കൂട്ടുകെട്ട് നാടിന്‌ അപകടം: എളമരം

നാദാപുരം

മതരാഷ്‌ട്രവാദികളായ ജമാഅത്തെ ഇസ്ലാമിയുമായുള്ള യുഡിഎഫ് കൂട്ടുകെട്ട് അപകടമെന്ന് സിപിഐ എം കേന്ദ്ര കമ്മിറ്റിയംഗം എളമരം കരീം പറഞ്ഞു. നാദാപുരത്ത് സ്ഥാനാർഥി സംഗമം ഉദ്ഘാടനം ചെയ്തു സംസാരിക്കുകയായിരുന്നു കരീം. ഇന്ത്യയിൽ ഇസ്ലാമിക ഭരണം സ്ഥാപിക്കാൻ ലക്ഷ്യംവച്ച് പ്രവർത്തനം നടത്തുന്ന സംഘടനയാണ്. ഹുക്കുമത്തെ അവരുടെ മുദ്രാവാക്യം. ഈ അപകടകരമായ മുന്നണി ആർഎസ്എസിന്റെ വളർച്ചയ്ക്ക് വഴിയൊരുക്കും. കേരളം അതിദാരിദ്ര്യമുക്ത സംസ്ഥാനമായി മാറി. ദരിദ്രരില്ലാത്ത സംസ്ഥാനമായി മാറ്റുകയെന്നതാണ് ഇടതുപക്ഷ മുന്നണിയുടെ ലക്ഷ്യം. എല്ലാവരെയും ചേർത്തുപിടിച്ചു മനുഷ്യസ്നേഹപരമായ പ്രവർത്തനങ്ങൾ തുടരാൻ ഇടതുപക്ഷ മുന്നണി സ്ഥാനാർഥികളെ വിജയിപ്പിക്കണമെന്നും കരീം പറഞ്ഞു. വി പി കുഞ്ഞികൃഷ്ണൻ അധ്യക്ഷനായി. ഇ കെ വിജയൻ എംഎൽഎ, എ മോഹൻദാസ്, ശ്രീജിത്ത് മുടപ്പിലായി, ജില്ലാ പഞ്ചായത്ത് നാദാപുരം ഡിവിഷൻ സ്ഥാനാർഥി പി താജുദ്ദീൻ,കരിമ്പിൽ ദിവാകരൻ, സമദ് നരിപ്പറ്റ, കരിമ്പിൽ വസന്ത, വി എ കുഞ്ഞിപ്പോക്കർ, സി എച്ച് മോഹനൻ, എരോത്ത് ഫൈസൽ എന്നിവർ സംസാരിച്ചു. ടി സുഗതൻ സ്വാഗതം പറഞ്ഞു. സ്ഥാനാർഥികളെ എളമരം കരീം ഹാരാർപ്പണം നടത്തി സ്വീകരിച്ചു.