വിദേശ നിക്ഷേപം അനുവദിക്കാനുള്ള തീരുമാനം കേന്ദ്രം പിൻവലിക്കുക

കോഴിക്കോട് ഇൻഷുറൻസ് മേഖലയിൽ നൂറ് ശതമാനം വിദേശനിക്ഷേപം അനുവദിക്കാനുള്ള തീരുമാനം കേന്ദ്ര സർക്കാർ പിൻവലിക്കണമെന്ന് എൽഐസി എംപ്ലോയീസ് യൂണിയൻ കോഴിക്കോട്– വയനാട് ജില്ലാ കോ–-ഓർഡിനേഷൻ കമ്മിറ്റി വാർഷിക സമ്മേളനം പ്രമേയത്തിലൂടെ ആവശ്യപ്പെട്ടു. ജൂലൈ ഒമ്പതിന് നടക്കുന്ന ദേശീയ പണിമുടക്ക് വിജയിപ്പിക്കാൻ മുഴുവൻ ജീവനക്കാരും മുന്നിട്ടിറങ്ങുക, എൽഐസിയിൽ ക്ലാസ്‌ 3, 4 തസ്തികളിലേക്ക് നിയമനം നടത്തുക തുടങ്ങിയ പ്രമേയങ്ങളും സമ്മേളനം അംഗീകരിച്ചു. സരോജ് ഭവനിൽ നടന്ന സമ്മേളനം പുരോഗമന കലാസാഹിത്യ സംഘം സംസ്ഥാന സെക്രട്ടറി പ്രൊഫ. കെ ഇ എൻ‌ ഉദ്ഘാടനംചെയ്തു. ജോ. കൺവീനർ കെ സുരേന്ദ്രൻ അധ്യക്ഷനായി. എൽഐസി എംപ്ലോയീസ് യൂണിയൻ കോഴിക്കോട് ഡിവിഷൻ ജനറൽ സെക്രട്ടറി എം ജെ ശ്രീരാം, എൽഐസി പെൻഷനേഴ്സ് അസോസിയേഷൻ ഡിവിഷണൽ ജോയിന്റ് സെക്രട്ടറി വി എം ശ്രീനിവാസൻ, എസ് ആൻഡ് എൽസി വർക്കേഴ്സ് യൂണിയൻ ജനറൽ സെക്രട്ടറി കെ ദിനേശൻ എന്നിവർ സംസാരിച്ചു. ജില്ലാ കോ-–-ഓർഡിനേഷൻ കമ്മിറ്റി കൺവീനർ ടി സി‌ ബസന്ത് സ്വാഗതവും ജോയിന്റ്‌ കൺവീനർ ടി സൂരജ് നന്ദിയും പറഞ്ഞു. പ്രതിനിധി സമ്മേളനം കോഴിക്കോട് ഡിവിഷൻ പ്രസിഡന്റ് എൽഐസിഇയു കെ ബാഹുലേയൻ ഉദ്ഘാടനംചെയ്തു. കൺവീനർ ടി സി ബസന്ത് വാർഷിക റിപ്പോർട്ടും ജനറൽ സെക്രട്ടറി എം ജെ ശ്രീരാം സംഘടനാ റിപ്പോർട്ടും അവതരിപ്പിച്ചു. കോഴിക്കോട് ഡിവിഷൻ വൈസ് പ്രസിഡന്റ് എൽഐസിഇയു യു പ്രദീപൻ എന്നിവർ സംസാരിച്ചു. ഭാരവാഹികൾ: ടി സി ബസന്ത് (കൺവീനർ), ഗോവിന്ദ് മേനോൻ, ടി സൂരജ്, സി സുരേന്ദ്രൻ (ജോ. കൺവീനർമാർ).