കിരീടത്തിൽ കിഴക്കൻ കാറ്റ്

കൊല്ലം

കുടുംബശ്രീ ജില്ലാമിഷൻ സംഘടിപ്പിച്ച ബഡ്സ് ഒളിമ്പിയ ജില്ലാതല കായികമേളയിൽ സീനിയർ വിഭാഗത്തിൽ വെട്ടിക്കവല തണൽ ബിആർസിക്ക് ഓവറോൾ. ജൂനിയർ വിഭാഗത്തിൽ 28 പോയിന്റോടെ കുളത്തൂപ്പുഴ ബഡ്സ് സ്കൂളും സബ് ജൂനിയർ വിഭാഗത്തിൽ 17പോയിന്റോടെ കടയ്ക്കൽ ബഡ്സ് സ്കൂളും ഓവറോൾ നേടി. കൊല്ലം പള്ളിമൺ സിദ്ധാർഥ സെൻട്രൽ സ്കൂളിൽ നടന്ന കായികമേളയിൽ 34 സ്കൂളുകളിൽനിന്ന് 385 കുട്ടികൾ പങ്കെടുത്തു. 35 ഇനങ്ങളിലാണ് മത്സരം നടന്നത്. ജില്ലയിൽ ആകെ 38 ബഡ്സ് സ്കൂളുകളിലായി 1232 വിദ്യാർഥികളാണ് പഠിക്കുന്നത്. കലക്ടർ എൻ ദേവിദാസ് കായികമേള ഉദ്ഘാടനംചെയ്തു. കുടുംബശ്രീ ജില്ലാമിഷൻ കോ– ഓർഡിനേറ്റർ ആർ വിമൽചന്ദ്രൻ, എഡിഎംസിമാരായ രതീഷ് കുമാർ, ബി ഉന്മേഷ്, എ അനീസ, സിദ്ധാർഥ സെൻട്രൽ സ്കൂൾ മാനേജിങ് ഡയറക്ടർ സുരേഷ് കുമാർ, ജില്ലാ പ്രോഗ്രാം മാനേജർമാരായ ആർ ബീന, സിന്ധുഷ, ജെൻസി ജോൺ, മീന, ആതിര, വിഷ്ണുപ്രസാദ്, സനൽകുമാർ, അരുൺ, സിറ്റി മിഷൻ മാനേജർമാരായ അജിത്, മനു, ദീപ, ഹരിതകർമസേന കോ– ഓർഡിനേറ്റർ വിനീത് എന്നിവർ സംസാരിച്ചു.