കേന്ദ്രം ശ്വാസംമുട്ടിക്കുന്പോഴും 
നേട്ടംകൊയ്യുന്നു

കൊല്ലം

കടുത്ത സാമ്പത്തിക ഉപരോധത്തിലൂടെ കേന്ദ്രസർക്കാർ ശ്വാസം മുട്ടിക്കുന്പോഴാണ്‌ കേരളം നിരവധി നേട്ടങ്ങൾ കൊയ്യുന്നത്. 2016ൽ ജിഎസ്ടിയും നോട്ട് നിരോധനവും, 2017ൽ ഓഖി ദുരന്തം, 2018ൽ മഹാപ്രളയം. 2019ൽ പ്രളയവും നിപ്പയും, 2020ൽ കോവിഡ് മഹാമാരി, 2024ൽ വയനാട് ദുരന്തം. ഇങ്ങനെ ലോകമാകെ നിശ്ചലമായതുമുതൽ കേരളം കണ്ണീരിൽ മുങ്ങിയതു വരെയുള്ള സംഭവവികാസങ്ങളിൽ ഏതൊരു ഭരണ സംവിധാനവും പകച്ചുനിൽക്കുകയും തകർന്നു പോവുകയും ചെയ്യുന്ന സാഹചര്യമാണ്‌ നേരിട്ടത്‌. എന്നാൽ, അവയെയെല്ലാം ചങ്കുറപ്പോടെ നേരിട്ടാണ്‌ വികസന നേട്ടങ്ങൾ കൈവരിച്ചത്‌. തുടർന്നും മികവാർന്നതും വ്യത്യസ്തവുമായ പദ്ധതികൾ വിഭാവനം ചെയ്ത് നടപ്പാക്കുകയും നടപ്പാക്കിയവയിൽ പോരായ്മകൾ ഉണ്ടെങ്കിൽ പരിഹരിച്ചും കാലോചിതമായി പരിഷ്കരിച്ചും മുന്നേറാനാണ്‌ ലക്ഷ്യമെന്നും മന്ത്രി കെ എൻ ബാലഗോപാൽ പറഞ്ഞു. വാർത്താസമ്മേളനത്തിൽ മന്ത്രി ജെ ചിഞ്ചുറാണി, സിപിഐ എം ജില്ലാ സെക്രട്ടറിയുടെ ചുമതലയുള്ള എസ് ജയമോഹൻ, സിപിഐ ജില്ലാ സെക്രട്ടറി പി എസ് സുപാൽ എംഎൽഎ, ജില്ലാ അസിസ്റ്റന്റ്‌ സെക്രട്ടറി സാം കെ ഡാനിയൽ, എൻസിപി എസ്‌) ജില്ലാ പ്രസിഡന്റ്‌ ജെ പത്മാകരൻ, ജനതാദൾ (എസ്‌) ജില്ലാ പ്രസിഡന്റ്‌ സി കെ ഗോപി എന്നിവരും പങ്കെടുത്തു. ​