എസ്ഐആര്‍
പൂരിപ്പിച്ച എന്യൂമറേഷന്‍ ഫോമുകള്‍ ഒന്നുവരെ തിരികെ നല്‍കാം
കോട്ടയം
തീവ്ര വോട്ടര്‍ പട്ടിക പരിഷ്‌കരണത്തിന്റെ ഭാഗമായി പൂരിപ്പിച്ച എന്യൂമറേഷന്‍ ഫോമുകള്‍ ഡിസംബര്‍ ഒന്നിന് മുമ്പേ തിരികെ നല്‍കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ കലക്ടര്‍ ചേതന്‍കുമാര്‍ മീണ അറിയിച്ചു. വീടുകളില്‍ എത്തിച്ചു നല്‍കിയ ഫോമുകള്‍ അതത് ബിഎല്‍ഒയുടെ പക്കലോ വില്ലേജ് ഓഫീസുകളിലോ എത്തിക്കണം. ഇതിനായി ജില്ലയിലെ എല്ലാ വില്ലേജ് ഓഫീസുകളിലും ഞായര്‍, തിങ്കള്‍ ദിവസങ്ങളില്‍ വൈകിട്ട്‌ അഞ്ചുവരെ ഫെസിലിറ്റേഷന്‍ സെന്റര്‍ പ്രവര്‍ത്തിക്കും. പൂരിപ്പിച്ച എന്യൂമറേഷന്‍ ഫോമുകള്‍ സ്‌കാന്‍ ചെയ്ത് വെബ്‌സൈറ്റില്‍ രേഖപ്പെടുത്തുന്ന വിവരങ്ങളുടെ അടിസ്ഥാനത്തിലുള്ള ആളുകളുടെ പേരുകള്‍ മാത്രമാണ് കരട് വോട്ടര്‍പട്ടികയില്‍ ഉള്‍പ്പെടുക. ഫോമുകള്‍ എത്രയും വേഗം തിരികെ നല്‍കുന്നതിന് ജനങ്ങള്‍ ജാഗ്രത പുലര്‍ത്തണമെന്ന് കലക്ടര്‍ നിര്‍ദേശിച്ചു.
0 comments