കുമാരനല്ലൂർ ഉത്സവം: 
നാളെ ആട്ടവിളക്ക് തെളിയും

​കോട്ടയം

​കുമാരനല്ലൂർ തൃക്കാർത്തിക ഉത്സവത്തിൽ നാലാം ഉത്സവദിനമായ ശനിയാഴ്ച തിരുവരങ്ങിൽ ആട്ടവിളക്ക് തെളിയും. നാലും അഞ്ചും ഉത്സവദിനങ്ങളിൽ രാത്രി 9.30ന് ആണ് കഥകളി. ശനിയാഴ്ച സീതാസ്വയംവരം, ദുര്യോധനവധം ഞായറാഴ്ച അർജുനവിഷാദവൃത്തം, ദക്ഷയാഗം എന്നിവ അരങ്ങിലെത്തും. തിങ്കൾ പകൽ 2.30ന് ദുർഗാ മാഹാത്മ്യം കഥയും നടക്കും. എല്ലാദിവസവും ആറാട്ട് നടക്കും. രണ്ടാം ഉത്സവം മുതൽ ഒമ്പതാം ഉത്സവം വരെ മീനച്ചിലാറ്റിലെ ആറാട്ട് കടവിലും സമാപനദിവസം നട്ടാശേരിയിലുമാണ് ആറാട്ട്. ദിവസവും രാവിലെ 5.45ന് മീനച്ചിലാറ്റിലെ ആറാട്ട് കടവിലേക്ക് വാദ്യമേളങ്ങളുടെ അകമ്പടിയോടെ ആറാട്ട് പുറപ്പെടും. എട്ടിന് തിരിച്ചെഴുന്നള്ളിപ്പ്. ​ക്ഷേത്രത്തിൽ ഇന്ന് ​രാവിലെ 5.45ന് ആറാട്ട് കടലിൽ കടവിലേക്ക് എഴുന്നള്ളത്ത്‌, എട്ടിന് തിരിച്ചെഴുന്നള്ളത്ത്‌, 11.30ന് ഉത്സവ ബലിദർശനം, രാത്രി 8.30ന് വേല വിളക്ക് എഴുന്നള്ളത്ത്‌, 9ന് കുടമാറ്റം, 9.45ന് വേലകളി,10.30ന് മതിലകത്ത് വിളക്കിനെഴുന്നള്ളത്ത്‌ തിരുവരങ്ങിൽ: വൈകിട്ട് 6ന് സംഗീത സന്ധ്യ, ദീപ സുജിത്, 7ന് വോക്കോ വയലിൻ ഫ്യൂഷൻ, എസ് നിവേദിത, എസ് നിരഞ്ജന, 9.30 ന് കഥകളി. നടപ്പന്തലിൽ: രാവിലെ 7ന് ഭജന, വൈകിട്ട് 4ന് നങ്ങ്യാർകൂത്ത്, 5ന് വഞ്ചിപ്പാട്ട്, 5.30ന് ഭജന, 6.30ന് നാമജപലയഘോഷം. കാർത്തിക കലാമണ്ഡപത്തിൽ: വൈകിട്ട് 4.30 ന് നൃത്തനൃത്ത്യങ്ങൾ, 5.30 ന് തിരുവാതിര, 7.30ന് സംഗീത കച്ചേരി. ​ ​