ഉന്നതികളിൽ തെരഞ്ഞെടുപ്പ് ബോധവല്‍ക്കരണം
കോട്ടയം
പാട്ടിന്റെ മാധുര്യത്തോടൊപ്പം തെരഞ്ഞെടുപ്പ് ചര്‍ച്ചകള്‍ക്ക് അവസരമൊരുക്കി സംസ്ഥാന തെരഞ്ഞെടുപ്പ് കമീഷന്റെ ബോധവല്‍ക്കരണ പരിപാടി ലീപ് (ലോക്കല്‍ ഇലക്ഷന്‍ അവയര്‍നെസ് പ്രോഗ്രാം). കോരുത്തോട് പട്ടികവര്‍ഗ സാംസ്‌കാരിക നിലയത്തില്‍ കൊമ്പുകുത്തിയിലെ ഉന്നതികളിലെ വോട്ടര്‍മാര്‍ക്കായി ഒരുക്കിയ ബോധവല്‍ക്കരണ പരിപാടിയില്‍ പാട്ടുകളുടെ അകമ്പടിയോടെ തെരഞ്ഞെടുപ്പിനെക്കുറിച്ചും സമ്മതിദാന അവകാശം വിനിയോഗിക്കുന്നതിന്റെ പ്രാധാന്യത്തെക്കുറിച്ചുമുള്ള ചര്‍ച്ചകൾ ഒരുക്കി. തദേശസ്വയംഭരണ വകുപ്പ് ജോയിന്റ് ഡയറക്ടര്‍ ബിനു ജോണ്‍, ലീപ് ജില്ലാ അസി. കോ ഓര്‍ഡിനേറ്റര്‍ ഷറഫ് പി ഹംസ, തദ്ദേശസ്വയംഭരണ വകുപ്പ് അസി. ഡയറക്ടര്‍ സി ശ്രീലേഖ, ജില്ലാ മാസ്റ്റര്‍ ട്രെയിനര്‍ സന്ദീപ് പി സദന്‍, ശുചിത്വമിഷന്‍ റിസോഴ്സ് പേഴ്സണ്‍ കെ സജിമോന്‍ എന്നിവര്‍ സംസാരിച്ചു.
0 comments