അണ്ണൻ തമ്പി

ചങ്ങനാശേരി

തദേശപ്പോര്‌ കലാശക്കൊട്ടിലേക്ക്‌ അടുക്കുമ്പോൾ ശ്രദ്ധാ കേന്ദ്രമാകുകയാണ്‌ രണ്ട്‌ സഹോദരങ്ങൾ. ഒരു കുടുംബത്തിൽനിന്ന്‌ രണ്ടുപേർ ഒരേ മുന്നണിക്കുവേണ്ടി ഒരേ നഗരസഭയിലേക്ക്‌ മത്സരിക്കുന്നു. ചങ്ങനാശേരി നഗരസഭയിൽ എൽഡിഎഫ്‌ സ്ഥാനാർഥികളായി ജനവിധി തേടുന്ന സിപിഐ എം ചങ്ങനാശേരി ഏരിയ കമ്മിറ്റിയംഗങ്ങളായ പി എ നിസാർ സഹോദരൻ പി എ നസീറുമാണ്‌ നാട്ടിൽ തരംഗമാവുന്നത്‌. കഴിഞ്ഞ തവണ വിജയിച്ച്‌ ക‍ൗൺസിലർമാരായ സഹോദരങ്ങൾ തന്നെയാണ്‌ ഇത്തവണയും എൽഡിഎഫിന്റെ ഉറച്ച സ്ഥാനാർഥികൾ. ഇത്തവണ നിസാർ വാർഡ്‌ 28ലും(ആനന്ദപുരം), നസീർ വാർഡ്‌ 13 (പുതുർ പള്ളി)ലുമാണ്‌ മത്സരിക്കുന്നത്‌. നിസാർ ട്രേഡ് യൂണിയനിലൂടെയും നസീർ വിദ്യാർഥി പ്രസ്ഥാനത്തിലൂടെയുമാണ്‌ പൊതു പ്രവർത്തനരംഗത്ത് എത്തിയത്. വിവിധ ട്രേഡ് യൂണിനുകളുടെ ഭാരവാഹിത്വവും ഡിവൈഎഫ് ചങ്ങനാശേരി ബ്ലോക്ക്‌ പ്രസിഡന്റും സെക്രട്ടറിയുമായും ഇരുവരും പ്രവർത്തിച്ചു. നിലവിൽ സിഐടിയു ജില്ലാ കമ്മിറ്റിയംഗങ്ങളാണ്‌. നസീർ സിഐടിയു ഏരിയ പ്രസിഡന്റ്, എസ്എഫ്ഐ ഏരിയ സെക്രട്ടറി, പ്രസിഡന്റ്‌, കൊച്ചിൻ ശാസ്‌ത്ര സാങ്കേതിക സർവകലാശാല യൂണിയൻ ചെയർമാൻ എന്നീ നിലകളിൽ പ്രവർത്തിച്ചിട്ടുണ്ട്‌.