സോവിയറ്റ് ചെമ്പട ഹിറ്റ്ലറെ 
കീഴടക്കിയതിന്റെ 80 -ാം വാർഷികം ആഘോഷിച്ചു

കോട്ടയം സോവിയറ്റ് ചെമ്പട ഹിറ്റ്‌ലറെ കീഴടക്കിയതിന്റെ 80–--ാം വാർഷികം ടി കെ സ്‌മാരക പഠനഗവേ ഷണ കേന്ദ്രത്തിന്റെ നേതൃത്വത്തിൽ കോട്ടയം പി കൃഷ്‌ണപിള്ള ഹാളിൽ നടന്നു. സിപിഐ എം സംസ്ഥാന കമ്മിറ്റിയംഗം അഡ്വ. കെ അനിൽകുമാർ ഉദ് ഘാടനം ചെയ്തു. ‘ഫാസിസത്തിനുമേൽ വിജയം സാധ്യമാണ്' എന്ന സന്ദേശമുയർത്തിയാണ് പരിപാടി സംഘടിപ്പിച്ചത്. ജില്ലാ സെക്രട്ടറിയറ്റംഗം പി വി സുനിൽ അധ്യക്ഷനായി. ജില്ല സെക്രട്ടറിയറ്റംഗം അഡ്വ. റെജി സഖറിയ, ജില്ലാ കമ്മിറ്റിയംഗം ബി ശശികുമാർ, ടി കെ സ്മാരക പഠന കേന്ദ്രം സെക്രട്ടറി എം വി കോര എന്നിവർ സംസാരിച്ചു.