മക്കളുടെ മുന്നിൽ വച്ച് ഭാര്യയെ കൊലപ്പെടുത്തി; തലയുമായി പൊലീസ് സ്റ്റേഷനിലെത്തി ഭർത്താവ്

സിൽചാർ : മക്കളുടെ മുന്നിൽവച്ച് ഭാര്യയെ കൊലപ്പെടുത്തിയ ഭർത്താവ് പിടിയിൽ. അസമിലെ ചിരാൻ​ഗ് ബിജിനിയിലെ നോർത്ത് ബല്ലാം​ഗുരി ഏരിയയിലാണ് സംഭവം. അറുപതുകാരനായ ബ്രിതേഷ് ഹാജോം​ഗാണ് ഭാര്യ ബൈജയന്തി (50) യെ കൊലപ്പെടുത്തിയത്. വാക്കുതർക്കത്തിനിടെയായിരുന്നു കൊല.

ബ്രിതേഷ് നിരന്തരം ഭാര്യയുമായി വഴക്കിട്ടിരുന്നതായി കുടുംബാം​ഗങ്ങൾ പറഞ്ഞു. ശനിയാഴ്ചയും ഇവർ തമ്മിൽ വഴക്കുണ്ടായി. ഇതിനിടെ ബ്രിതേഷ് കത്തിയെടുത്ത് വൈജയന്തിയുടെ തലയറുക്കുകയായിരുന്നു. മക്കളുടെ മുന്നിൽവച്ചായിരുന്നു ക്രൂരകൃത്യം. തുടർന്ന് അറുത്തെടുത്ത തലയുമായി ബല്ലാം​ഗുരി പൊലീസ് പട്രോളിങ് പോയിന്റിലെത്തി കീഴടങ്ങുകയായിരുന്നുവെന്ന് ചിരാ​ഗ് എസ്പി അക്ഷത് ​ഗാർ​ഗ് പറഞ്ഞു. ബ്രിതേഷിനെ അറസ്റ്റ് ചെയ്തെന്നും ചോദ്യം ചെയ്ത് വരികയാണെന്നും കൊലയ്ക്കു പിന്നിലെ കാരണം വ്യക്തമല്ലെന്നും എസ്പി പറഞ്ഞു.

വൈജയന്തിയുടെ മൃതദേഹം പോസ്റ്റ്മോർട്ടത്തിനായി അയച്ചു. രണ്ട് സാക്ഷികളുടെ മൊഴി രേഖപ്പെടുത്തുമെന്നും പൊലീസ് പറഞ്ഞു. ബിഎൻഎസ് 103 ( കൊലപാതകം) വകുപ്പ് പ്രകാരമാണ് കേസ് രജിസ്റ്റർ ചെയ്തിരിക്കുന്നത്. കൊലയ്ക്കുപയോ​ഗിച്ച ആയുധവും ഫോറൻസിക് പരിശോധനയ്ക്കായി അയച്ചിട്ടുണ്ട്.