'വിടാമുയർച്ചി' ഡബ്ബിങ് ആരംഭിച്ച് അജിത്

ചെന്നൈ> അജിത്തിനെ നായകനാക്കി മഗിഴ് തിരുമേനി സംവിധാനം ചെയ്യുന്ന ആക്ഷൻ ത്രില്ലർ ചിത്രമായ വിടാമുയർച്ചി അധികം വൈകാതെ തീയേറ്ററുകളിലേക്ക്. ആരാധകർ ഏറെ പ്രതീക്ഷയോടെ കാത്തിരിക്കുന്ന സിനിമയുടെ പോസ്റ്റ് പ്രൊഡക്ഷൻ വർക്കുകൾ പുരോ​ഗമിക്കുകയാണ്. അജിത്തും തന്റെ ഭാ​ഗങ്ങളുടെ ഡബ്ബിങ് ആരംഭിച്ചിരിക്കുകയാണ്.

ഇതിനൊപ്പം തന്നെ ഈ മാസം രണ്ടാം വാരത്തോടെ സിനിമയിലെ ഒരു ഗാനരംഗത്തിന്റെ ചിത്രീകരണം നടക്കും. ഇതോടെ സിനിമയുടെ ചിത്രീകരണം പൂർത്തിയാകുമെന്നാണ് ഡി ടി നെക്സ്റ്റ് റിപ്പോർട്ട് ചെയ്യുന്നത്.

പൊങ്കൽ റിലീസായി ജനുവരിയിലാണ് വിടാമുയർച്ചി തിയേറ്ററിലെത്തുക. ടീസറിൽ അജിത്തിനൊപ്പം സിനിമയിലെ മറ്റു അഭിനേതാക്കളെയും കാണിക്കുന്നുണ്ട്. 'മങ്കാത്ത' എന്ന ബ്ലോക്ക്ബസ്റ്റർ ചിത്രത്തിന് ശേഷം, അജിത്- അർജുൻ- തൃഷ കൂട്ടുകെട്ട് വീണ്ടും വെള്ളിത്തിരയിൽ ഒന്നിക്കുന്നു എന്നതാണ് വിടാമുയർച്ചിയുടെ ഏറ്റവും വലിയ ഹൈലൈറ്റ്. മഗിഴ് തിരുമേനി സംവിധാനം ചെയ്യുന്ന ചിത്രത്തിൽ ആരവ്, റെജീന കസാൻഡ്ര, നിഖിൽ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.