25 August Sunday

വിനയ് ഫോര്‍ട്ടിന്റെ 'തമാശ'; ടീസര്‍ പുറത്തിറങ്ങി

വെബ് ഡെസ്‌ക്‌Updated: Saturday May 18, 2019

ഹാപ്പി ഹവേഴ്‌സിന്റെ ബാനറില്‍ നവാഗതനായ അഷ്‌റഫ് ഹംസ തിരക്കഥ എഴുതി സംവിധാനം ചെയ്യുന്ന 'തമാശ' യുടെ ടീസര്‍ പുറത്തിറങ്ങി. ചിത്രത്തില്‍ വിനയ് ഫോര്‍ട്ട് മുഖ്യവേഷത്തില്‍ എത്തുന്നു. സമീര്‍ താഹിര്‍, ഷൈജു ഖാലിദ്, ലിജോ ജോസ് പെല്ലിശ്ശേരി, ചെമ്പന്‍ വിനോദ് ജോസ് എന്നിവര്‍ ചേര്‍ന്നാണ്  ചിത്രം നിര്‍മ്മിക്കുന്നത്
 
ഒരിടവേളക്ക് ശേഷം സമീര്‍ താഹിര്‍ ഛായാഗ്രഹണം നിര്‍വഹിക്കുന്ന റൊമാന്റിക്ക് കോമഡി ചിത്രത്തില്‍ വിനയ് ഫോര്‍ട്ട് കോളേജ് അദ്ധ്യാപകനായി എത്തുന്നു. ദിവ്യ പ്രഭ, ഗ്രേസ് ആന്റണി (കുമ്പളങ്ങി നൈറ്റ്‌സ് ഫെയിം), ചിന്നു ചാന്ദിനി എന്നിവര്‍ നായികമാരായി എത്തുന്ന ചിത്രത്തില്‍ നവാസ് വള്ളിക്കുന്ന്, അരുണ്‍ കുര്യന്‍, ആര്യ സലീം എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു.

തിരക്കഥാകൃത്തും സംവിധായകനുമായ മുഹ്‌സിന്‍ പരാരിയുടെ വരികള്‍ക്ക് റെക്‌സ് വിജയന്‍, ഷഹബാസ് അമന്‍ എന്നിവര്‍ സംഗീത സംവിധാനം നിര്‍വഹിച്ചിരിക്കുന്നു. മുഹ്‌സിന്‍ പരാരിയുടെ വരികളില്‍ ഷഹബാസ് അമന്‍ കമ്പോസ് ചെയ്ത് പാടിയ 'പാടി ഞാന്‍' എന്ന ഗാനം ശ്രദ്ധേയമായിരുന്നു.

എഡിറ്റിങ്ങ് : ഷഫീഖ് മുഹമ്മദ് അലി, കോസ്റ്റ്യം : മസ്ഹര്‍ ഹംസ, ആര്‍ട്ട് : അനീസ് നാടോടി, മേക്ക്-അപ്പ് : ആര്‍.ജി വയനാടന്‍, സ്റ്റില്‍സ് : രാഹുല്‍ എം സത്യന്‍, പബ്ലിസിറ്റി ഡിസൈന്‍ : ഓള്‍ഡ്മങ്ക്‌സ്, ഡിസ്ട്രിബ്യൂഷന്‍ : സെന്റ്രല്‍ പിക്‌ചേഴ്‌സ്.

ചിത്രം ഈദ് റിലീസായി തിയേറ്ററുകളില്‍ എത്തും.

 


പ്രധാന വാർത്തകൾ
 Top