തമിഴ് സിനിമാ സംവിധായകൻ കുടിസൈ ജയഭാരതി അന്തരിച്ചു

ചെന്നൈ > പ്രശസ്തനായ സംവിധായകനും എഴുത്തുകാരനുമായ കുടിസൈ ജയഭാരതി (77) അന്തരിച്ചു. വാർധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്നു. കഴിഞ്ഞ ദിവസം ആരോ​ഗ്യനില വഷളായതിനെത്തുടർന്ന് അദ്ദേഹത്തെ ഒമദുരാർ ​ഗവൺമെന്റ് ആശുപത്രിയിൽ ചികിത്സയിലായിരുന്നു. വെള്ളിയാഴ്ച പുലർച്ചെയോടെയാണ് അന്ത്യം.

'കുടിസൈ' എന്ന ചിത്രത്തിലൂടെയാണ് ജയഭാരതി സിനിമാ രം​ഗത്തേക്കെത്തുന്നത്. തമിഴ് സിനിമയിൽ റിയലിസ്റ്റിക് സിനിമകൾ ആദ്യം ചിത്രീകരിക്കുന്നത് ജയഭാരതിയാണ്. 2002 ൽ പുറത്തിറങ്ങിയ നൻപ നൻപ എന്ന ചിത്രത്തിന് ദേശീയ പുരസ്കാരവും ലഭിച്ചിരുന്നു. 1979 ൽ പുറത്തിറങ്ങിയ അദ്ദേഹത്തിന്റെ ആദ്യ ചിത്രം കുടിസൈ പൂർത്തിയാക്കിയത് ക്രൗഡ് ഫണ്ടിങ്ങിലൂടെയായിരുന്നു. 2010ൽ പുറത്തിറങ്ങിയ 'പുതിരൻ' ആണ് അവസാനം സംവിധാനം ചെയ്ത ചിത്രം.