18 September Wednesday

ട്രോൾ! അതുകൊണ്ടൊന്നും സണ്ണി ലിയോൺ തളരില്ല

വെബ് ഡെസ്‌ക്‌Updated: Wednesday Jul 10, 2019

സാമൂഹ്യമാധ്യമങ്ങളിൽ ലക്ഷക്കണക്കിന് ആരാധകരുള്ള താരമാണ് സണ്ണി ലിയോൺ. മിക്കപ്പോഴും ട്രോളർമാരുടെ പ്രധാന ഇരയുമാകാറുണ്ട്.  എന്നാൽ, ട്രോളുകൾ കണ്ടൊന്നും താൻ തളരില്ലെന്ന്  സണ്ണി ലിയോൺ പറയുന്നു.

"നിങ്ങൾ ജനങ്ങൾ കാണാൻ ആഗ്രഹിക്കുന്ന ഒരു താരമാണെങ്കിൽ എന്തുചെയ്താലും അത് ശ്രദ്ധിക്കപ്പെടും. എന്നെക്കുറിച്ച് പ്രതിദിനമെന്നോണം   ട്രോളുകൾ ഉണ്ടാകുന്നു. അതിലൊന്നും ഞാൻ തളരില്ല. മിക്കപ്പോഴും എന്റെ വസ്ത്രധാരണമാണ് ട്രോളുകൾക്ക് പ്രേരണയാകുന്നത്. എനിക്ക് ഇഷ്ടമുള്ള , ഇണങ്ങുന്ന വസ്ത്രമാകും ഞാൻ ധരിക്കുക. ഓരോ സാഹചര്യത്തിനും ഇണങ്ങുന്നതാകണം അവ. മറ്റുള്ളവർക്ക് അതേകുറിച്ച് ട്രോളാനുള്ളത് എന്നെ ബാധിക്കുന്ന കാര്യമല്ല-. ' –-

കഴിഞ്ഞദിവസം മുംബൈയിൽ മാധ്യമങ്ങളെ കണ്ടപ്പോൾ താരം പറഞ്ഞു.

സമൂഹത്തെ ബാധിക്കുന്ന വിഷയങ്ങളിൽ സ്വന്തം നിലപാട് വ്യക്തമാക്കാനാണ് ഓൺലൈൻ മാധ്യമങ്ങളെ ഉപയോഗിക്കേണ്ടതെന്നും താരം പറയുന്നു. ലൈംഗികപീഡനത്തിനിരയായി മരണത്തോട് മല്ലടിക്കുന്ന പെൺകുട്ടിക്കുള്ള ചികിത്സാസഹായത്തിനായി അടുത്തിടെ സണ്ണി ട്വിറ്ററിലൂടെയും ഇൻസ്റ്റാഗ്രാമിലൂടെയും അഭ്യർഥന നടത്തി. സണ്ണിയുടെ അഭ്യർഥനയ‌്ക്ക് മികച്ച പ്രതികരണമാണ് ലഭിച്ചത്.

സന്തോഷ് നായർ സംവിധാനംചെയ്യുന്ന രംഗീല എന്ന ചിത്രത്തിലൂടെ സണ്ണി മലയാളത്തിലെത്തും. സുരാജ് വെഞ്ഞാറമൂട്, സലിംകുമാർ തുടങ്ങിയവരും അഭിനയിക്കുന്നു. നേരത്തെ മമ്മൂട്ടിയുടെ ഹിറ്റ് ചിത്രം മധുരരാജയിൽ നൃത്തരംഗത്തിൽ സണ്ണി അഭിനയിച്ചിരുന്നു. ഈ മാസം അവസാനത്തോടെ റിലീസ്‌ചെയ്യുന്ന ഹിന്ദിചിത്രം അർജുൻ പാട്യാലയിൽ നൃത്തരംഗത്തിലും താരം എത്തും. തെലുങ്ക് ചിത്രം കൊക്ക കോളയാണ് വരാനിരിക്കുന്ന മറ്റൊരു ചിത്രം. തെന്നിന്ത്യൻ ചിത്രങ്ങളിലേക്ക് ശ്രദ്ധ കേന്ദ്രീകരിക്കുന്നതുകൂടാതെ ബിസിനസ് രംഗത്തേക്കും നടി കടന്നു. സ്വന്തംപേരിൽ ബ്രാൻഡ് ചെയ്ത സൗന്ദര്യവർധകവസ്തുക്കൾ ഈ വർഷമാദ്യം പുറത്തിറക്കി.

സമാനമായ വസ്ത്രബ്രാൻഡുകളും നടിയുടെപേരിൽ ഉടൻ പുറത്തുവരും. ഭർത്താവ് ഡാനിയൽ വെബ്ബറാണ് ബിസിനസിൽ തന്റെ മാർഗദീപമെന്ന് സണ്ണി പറയുന്നു. സ്വന്തമായി സിനിമ നിർമിക്കാനും സണ്ണിക്കും ഡാനിയൽ വെബ്ബറിനും താൽപ്പര്യമുണ്ട്. ഇതിനുള്ള പ്രാഥമിക പ്രവർത്തനം ആരംഭിച്ചതായി താരം പറഞ്ഞു.


പ്രധാന വാർത്തകൾ
 Top