‘മിസ്റ്റർ ആൻഡ്‌ മിസ്സിസ്‌ ബാച്ച്‌ലർ’ ലെ ആദ്യ ഗാനം പുറത്തിറങ്ങി

കൊച്ചി > ദീപു കരുണാകരന്റെ സംവിധാനത്തിൽ ഇന്ദ്രജിത്ത് സുകുമാരനും അനശ്വര രാജനും പ്രധാന വേഷങ്ങളിൽ എത്തുന്ന മിസ്റ്റർ ആൻഡ്‌ മിസീസ്‌ ബാച്ചിലേർസിന്റെ ആദ്യ ഗാനം പുറത്തിറങ്ങി. ആദ്യ ഗാനത്തിന്റെ ലിറിക്കൽ വീഡിയോയാണ്‌ ഇപ്പോൾ റിലീസായിരിക്കുന്നത്‌. ‘പതിത ഹൃദയ' എന്ന ഗാനത്തിന്റെ വരികൾ എഴുതിയിരിക്കുന്നത്‌ മഹേഷ് ഗോപാലനാണ്‌. പി എസ്‌ ജയഹരി സംഗീതം നൽകിയിരിക്കുന്ന ഗാനം ആലപിച്ചിരിക്കുന്നത്‌  മൈമയും, മീന മേലത്തും ചേർന്നാണ്. സനൂപ്‌ പ്രദീപാണ്‌ ലിറിക്കൽ വീഡിയോ ഒരുക്കിയിരിക്കുന്നത്‌.

ആഗസ്‌ത്‌ 23 നാണ്‌ സിനിമ റിലീസ്‌ ചെയ്യുന്നത്‌. ഹൈലൈൻ പിക്ചേഴ്സിൻ്റെ ബാനറിൽ പ്രകാശ് ഹൈലൈൻ നിർമിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത്  അർജുൻ ടി സത്യനാണ്‌. ഡയാന ഹമീദ് , റോസിൻ ജോളി , ബൈജു പപ്പൻ , രാഹുൽ മാധവ് , സോഹൻ സീനുലാൽ , മനോഹരി ജോയ് , ജിബിൻ ഗോപിനാഥ് , ലയ സിംപ്സൺ എന്നിവരാണ് ചിത്രത്തിലെ മറ്റു പ്രധാന വേഷങ്ങളെ അവതരിപ്പിക്കുന്നത്‌. ഛയാഗ്രാഹണം- പ്രദീപ് നായർ , എഡിറ്റർ- സോബിൻ കെ സോമൻ , സംഗീതവും പശ്ചാത്തല സംഗീതവും പി എസ്‌ ജയഹരി.