01 April Wednesday

മഞ്‌ജു വാര്യരും ബിജു മേനോനും ഒന്നിക്കുന്ന "ലളിതം സുന്ദരം'

വെബ് ഡെസ്‌ക്‌Updated: Thursday Feb 6, 2020

നടന്‍ മധു വാര്യര്‍ സംവിധായകനാകുന്ന സിനിമയില്‍ മഞ്ജു വാര്യരും ബിജു മേനോനും. 'ലളിതം സുന്ദരം' എന്ന് പേരിട്ടിരിക്കുന്ന സിനിമയുടെ ടൈറ്റില്‍ ലോഞ്ച് മമ്മൂട്ടിയും മോഹന്‍ലാലും ഫേസ്ബുക്ക് പേജിലൂടെ നിര്‍വഹിച്ചു. മലയാളത്തിലെ മുന്‍നിര ബാനറായ സെഞ്ച്വറി ഫിലിംസിനോട് സഹകരിച്ച് മഞ്ജു വാര്യര്‍ ഫിലിംസ് ആണ് ചിത്രം നിര്‍മ്മിക്കുന്നത്. പി സുകുമാര്‍ ഛായാഗ്രഹണവും ബിജിബാല്‍ സംഗീത സംവിധാനവും നിര്‍വഹിക്കും.

ടി കെ രാജീവ് കുമാറിന്റെ കണ്ണെഴുതി പൊട്ടും തൊട്ട്. കൃഷ്ണഗുഡിയില്‍ ഒരു പ്രണയകാലത്ത്, കുടമാറ്റം, പ്രണയ വര്‍ണ്ണങ്ങള്‍ എന്നീ സിനിമകളില്‍ ബിജു മേനോന്‍ മഞ്ജു വാര്യര്‍ ജോഡികള്‍ ഒന്നിച്ചെത്തി. ഒരായിരം കിനാക്കള്‍ എന്ന ബിജു മേനോന്‍ ചിത്രമൊരുക്കിയ പ്രമോദ്‌ മോഹനാണ് ലളിതം സുന്ദരത്തിന്റെ തിരക്കഥ.

ജോഫിന്‍ ടി ചാക്കോ സംവിധാനം ചെയ്യുന്ന ദ പ്രീസ്റ്റ് എന്ന ത്രില്ലറില്‍ മമ്മൂട്ടിക്കൊപ്പം അഭിനയിക്കുകയാണ് മഞജു വാര്യര്‍. മോഹന്‍ലാല്‍ ചിത്രം മരക്കാര്‍, സന്തോഷ് ശിവന്‍ സംവിധാനം ചെയ്ത ജാക്ക് ആന്‍ഡ് ജില്‍, പുതുനിരയുടെ ചതുര്‍മുഖം എന്നിവയാണ് മഞ്ജു വാര്യരുടെ ഉടനെ തിയറ്ററില്‍ എത്താനിരിക്കുന്ന പ്രൊജക്ടുകള്‍.

മറ്റു വാർത്തകൾ

പ്രധാന വാർത്തകൾ
 Top