പിഎസ‍്‍സി : കായികക്ഷമതാ പരീക്ഷയും അഭിമുഖവും

തിരുവനന്തപുരം : ഫയർ ആൻഡ് റെസ്ക്യൂ സർവീസസ് വകുപ്പിൽ ഫയർ ആൻഡ് റെസ്ക്യൂ ഓഫീസർ ഡ്രൈവർ (ട്രെയിനി) (കാറ്റഗറി നമ്പർ 472/2024, 491/2024þ എസ്.സി.സി.സി.) തസ്തികയിലേക്ക് ഡിസംബർ 2, 3, 4, 5 തീയതികളിൽ രാവിലെ 5.30 ന് കൊല്ലം ജില്ലയിലെ എസ്എൻ കോളേജ് ഗ്രൗണ്ട്, കോട്ടയം ജില്ലയിലെ എംഎംഎൻഎസ്എസ് കോളേജ് ഗ്രൗണ്ട് എന്നിവിടങ്ങളിൽ വച്ച് ശാരീരിക അളവെടുപ്പും കായികക്ഷമതാ പരീക്ഷയും നടത്തും. നിശ്ചിത സമയത്തിനുശേഷം എത്തുന്നവരെ പരീക്ഷയിൽ പങ്കെടുപ്പിക്കുന്നതല്ല. പരീക്ഷാകേന്ദ്രങ്ങളുടെ മാറ്റം, തീയതി/സമയം മാറ്റം എന്നിവ അനുവദിക്കുന്നതല്ല. അഡ്മിഷൻ ടിക്കറ്റ് പ്രൊഫൈലിൽ ലഭിക്കും.

എക്സൈസ് ആൻഡ് പ്രൊഹിബിഷൻ വകുപ്പിൽ സിവിൽ എക്സൈസ് ഓഫീസർ (ട്രെയിനി) (കാറ്റഗറി നമ്പർ 743/2024) തസ്തികയുടെ മാറ്റി വച്ച കായികക്ഷമതാ പരീക്ഷ തിരുവനന്തപുരം, പേരൂർക്കട എസ്എപി പരേഡ് ഗ്രൗണ്ടിലും, പൊലീസ് വകുപ്പിൽ അസിസ്റ്റന്റ് സബ് ഇൻസ്പെക്ടർ (ട്രെയിനി) (പട്ടികവർഗ്ഗം) (കാറ്റഗറി നമ്പർ 387/2024) തസ്തികയുടെ മാറ്റിവച്ച കായികക്ഷമതാ പരീക്ഷ തിരുവനന്തപുരം, കേശവദാസപുരം, എംജി കോളേജ് ഗ്രൗണ്ടിലും വച്ച് ഡിസംബർ 1 രാവിലെ 5.30 ന് നടത്തും. കായികക്ഷമതാ പരീക്ഷയിൽ യോഗ്യത നേടുന്നവർക്ക് അന്നേദിവസം രാവിലെ 10.30 ന് പിഎസ്‍സി ആസ്ഥാന ഓഫീസിൽ വച്ച് സർട്ടിഫിക്കറ്റ് പരിശോധനയും നടത്തും.

അഭിമുഖം

മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ കാർഡിയോളജി (ഒബിസി) (കാറ്റഗറി നമ്പർ 753/2024) തസ്തികയിലേക്ക് ഡിസംബർ 3 ന് പിഎസ്‍സി ആസ്ഥാന ഓഫീസിൽ വച്ച് അഭിമുഖം നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്. കൂടുതൽ വിവരങ്ങൾക്ക് ജിആർ1എ വിഭാഗവുമായി ബന്ധപ്പെടണം (0471 2546448).

ആലപ്പുഴ ജില്ലയിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (ഹിന്ദി) (തസ്തികമാറ്റം മുഖേന) (കാറ്റഗറി നമ്പർ 249/2024) തസ്തികയിലേക്ക് ഡിസംബർ 3 നും പ്രീപ്രൈമറി ടീച്ചർ (കാറ്റഗറി നമ്പർ 383/2024) തസ്തികയിലേക്ക് ഡിസംബർ 3, 4, 5 തീയതികളിലും ഫുൾടൈം ജൂനിയർ ലാംഗ്വേജ് ടീച്ചർ (അറബിക്) എൽപിഎസ് (കാറ്റഗറി നമ്പർ 609/2024) തസ്തികയിലേക്ക് ഡിസംബർ 5 നും പിഎസ്‍സി ആലപ്പുഴ ജില്ലാ ഓഫീസിൽ വച്ച് അഭിമുഖം നടത്തും. കൂടുതൽ വിവരങ്ങൾ ഉദ്യോഗാർഥികളുടെ പ്രൊഫൈലിൽ ലഭിക്കും.

മലപ്പുറം ജില്ലയിൽ തദ്ദേശസ്വയംഭരണ വകുപ്പിൽ പബ്ലിക് ഹെൽത്ത് ഇൻസ്പെക്ടർ ഗ്രേഡ് 2 (കാറ്റഗറി നമ്പർ 611/2024) തസ്തികയിലേക്ക് ഡിസംബർ 3, 4, 5 തീയതികളിൽ പിഎസ്‍സി മലപ്പുറം ജില്ലാ ഓഫീസിൽ വച്ചും ഡിസംബർ 17, 18, 19 തീയതികളിൽ പിഎസ്‍സി കോഴിക്കോട് ജില്ലാ ഓഫീസിൽ വച്ചും അഭിമുഖം നടത്തും. അർഹരായ ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.

കോഴിക്കോട് ജില്ലയിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (അറബിക്) (ഈഴവ/തിയ്യ/ബില്ലവ) (കാറ്റഗറി നമ്പർ 63/2025), ഹൈസ്കൂൾ ടീച്ചർ (നാച്ച്യുറൽ സയൻസ്) (മലയാളം മീഡിയം) (കാറ്റഗറി നമ്പർ 384/2020), ഫുൾടൈം ജൂനിയർ ലാംഗ്വേജ് ടീച്ചർ (അറബിക്) എൽപിഎസ് (പട്ടികജാതി) (കാറ്റഗറി നമ്പർ 80/2025), പാർട്ട്ടൈം ജൂനിയർ ലാംഗ്വേജ് ടീച്ചർ (സംസ്കൃതം) (ഈഴവ/ബില്ലവ/തിയ്യ) (കാറ്റഗറി നമ്പർ 705/2024) തസ്തികകകളിലേക്ക് ഡിസംബർ 3 നും ഹൈസ്കൂൾ ടീച്ചർ (ഹിന്ദി) (എസ്ഐയുസി നാടാർ) (കാറ്റഗറി നമ്പർ 796/2024), പാർട്ട്ടൈം ഹൈസ്കൂൾ ടീച്ചർ (ഉറുദു) (പട്ടികജാതി) (കാറ്റഗറി നമ്പർ 457/2024) തസ്തികകളിലേക്ക് ഡിസംബർ 4 നും പിഎസ്‍സി കോഴിക്കോട് ജില്ലാ ഓഫീസിൽ വച്ച് അഭിമുഖം നടത്തും. കൂടുതൽ വിവരങ്ങൾക്ക് 0495 2371971 എന്ന നമ്പറിൽ ബന്ധപ്പെടണം.

വയനാട് ജില്ലയിൽ വിദ്യാഭ്യാസ വകുപ്പിൽ പാർട്ട്ടൈം ഹൈസ്കൂൾ ടീച്ചർ (ഉറുദു) (കാറ്റഗറി നമ്പർ 384/2024) തസ്തികയിലേക്ക് ഡിസംബർ 3 ന് പിഎസ്‍സി കോഴിക്കോട് ജില്ലാ ഓഫീസിൽ വച്ച് അഭിമുഖം നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.

പ്രമാണപരിശോധന

മത്സ്യഫെഡിൽ ഓപ്പറേറ്റർ ഗ്രേഡ് 3 (പാർട്ട് 1þജനറൽ കാറ്റഗറി) (കാറ്റഗറി നമ്പർ 591/2024) തസ്തികയുടെ സാധ്യതാപട്ടികയിലുൾപ്പെട്ടവർക്ക് ഡിസംബർ 3 രാവിലെ 10.30 മുതൽ പിഎസ്‍സി ആസ്ഥാന ഓഫീസിൽ വച്ച് പ്രമാണപരിശോധന നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്എംഎസ് എന്നിവ നൽകിയിട്ടുണ്ട്.