16 February Saturday

നിർഭയമായ ആവിഷ‌്കാരത്തിന്റെ സാധ്യതകൾ തുറന്നിട്ട‌് കേരള ലിറ്ററേച്ചർ ഫെസ‌്റ്റ്‌

വെബ് ഡെസ്‌ക്‌Updated: Friday Jan 11, 2019

കോഴിക്കോട‌്> നിർഭയമായ ആവിഷ‌്കാരത്തിന്റെ സാധ്യതകൾ തുറന്നിട്ട‌് കേരള ലിറ്ററേച്ചർ ഫെസ‌്റ്റിവലിന‌് കോഴിക്കോട‌് ബീച്ചിൽ തുടക്കമായി. എം ടി വാസുദേവൻ നായർ ഉദ‌്ഘാടനം ചെയ‌്തു.  ഫെസ‌്റ്റിവൽ ഡയറക്ടർ സച്ചിദാനന്ദൻ അധ്യക്ഷനായി.

നേരായ വാക്കിന‌് ഭീഷണി നേരിടുന്ന കാലത്ത‌് നിർഭയമായി ആവിഷ‌്കാരത്തിന‌ുള്ള സാധ്യതകൾ തുറന്നിടുന്നതാണ‌്  അക്ഷരോത്സവമെന്ന‌് സച്ചിദാനന്ദൻ പറഞ്ഞു. സംവാദത്തിന‌് ഇടങ്ങൾ ചുരുങ്ങുന്ന കാലത്ത‌് രാഷ‌്ട്രീയവും സാമൂഹികവുമായ വിഷയങ്ങളാണ‌് ഇവിടെ വിപുലമായി  ചർച്ച ചെയ്യുന്നത‌്. മറ്റു ദേശങ്ങളും ഭാഷകളും ചർച്ച ചെയ്യുമ്പോഴും ഇത‌് മലയാളികളുടെ ഉത്സവമാണ‌്. ജയ‌്പൂർ സാഹിത്യോത്സവത്തിൽപോലും പ്രാദേശിക ഭാഷയ‌്ക്ക‌് അർഹമായ പ്രാതിനിധ്യം ലഭിക്കാറില്ല.  അലക‌്സാന്ദ്ര ബ്യൂക‌്ളർ  അതിഥി രാജ്യമായ വെയ‌്ൽസിന്റെ അഭിവാദനം നടത്തി. 



 ചടങ്ങിൽ എം കെ  മുനീർ എംഎൽഎ പ്രഭാഷണം നടത്തി.  നെതർലാൻഡ‌്സ‌് ഇന്ത്യൻ അംബാസഡർ വേണു രാജാമണി, കലക്ടർ  സാംബശിവ റാവു,  സിറ്റി പൊലീസ് കമീഷണർ കാളിരാജ് മഹേഷ‌്കുമാർ, മാതൃഭൂമി ഡയറക്ടർ  എം വി ശ്രേയാംസ് കുമാർ, നോർവീജിയൻ നയതന്ത്രജ്ഞൻ ആർനെ വാൾട്ടർ, സക്കറിയ, ബെന്യാമിൻ, വി സുനിൽ കുമാർ, കൗൺസിലർ എം  രാധാകൃഷ്ണൻ  എന്നിവർ സംസാരിച്ചു. രവി ഡിസി സ്വാഗതവും എ കെ അബ്ദുൾ ഹക്കീം നന്ദിയും പറഞ്ഞു.

ബ്രേക്കിങ‌് ദി ബിഗ‌് സ‌്റ്റോറി എന്ന സെഷനിൽ കേരള മീഡിയ അക്കാദമി ചെയർമാൻ ആർ എസ‌് ബാബുവും അനിതാ പ്രതാപുമായുള്ള അഭിമുഖവും ശ്രദ്ധേയമായി. ആധുനിക കേരളത്തിന്റെ ശിൽപ്പികൾ, തീണ്ടാനാരികളും അയ്യപ്പനും  എന്നീ സെഷനുകളിലും  ചർച്ചയുണ്ടായി.  മുങ്ങിനിവർന്ന കേരളം എന്ന സെഷനിൽ കേളുഏട്ടൻ പഠന ഗവേഷണ കേന്ദ്രം ഡയറക്ടർ കെ ടി കുഞ്ഞിക്കണ്ണൻ ഉൾപ്പെടെയുള്ളവർ പങ്കെടുത്തു. മനില സി മോഹനൻ മോഡറേറ്ററായി.

 


പ്രധാന വാർത്തകൾ
 Top