"ശുഭ്രപതാകയിലെ 
പെൺതാരകങ്ങൾ’ പ്രകാശിപ്പിച്ചു

കോഴിക്കോട്‌

പ്രസാധനരംഗത്തെ പെൺകൂട്ടായ്‌മയായ സമത പ്രസിദ്ധീകരിച്ച ജീവിതരേഖകൾ ‘ശുഭ്രപതാകയിലെ പെൺതാരകങ്ങൾ’ സിപിഐ എം ജനറൽ സെക്രട്ടറി എം എ ബേബി പ്രകാശിപ്പിച്ചു. എസ്‌എഫ്‌ഐ അഖിലേന്ത്യാ സമ്മേളനത്തോട്‌ അനുബന്ധിച്ച്‌ സംഘടിപ്പിച്ച പൂർവകാല നേതൃസംഗമത്തിലായിരുന്നു പ്രകാശനം. എസ്‌എഫ്‌ഐ അഖിലേന്ത്യാ വൈസ്‌ പ്രസിഡന്റ്‌ കെ അനുശ്രീ, ജോയിന്റ്‌ സെക്രട്ടറി ദിപ്‌സിത ദാസ്‌, ഡൽഹി സംസ്ഥാന സെക്രട്ടറി ഐഷെ ഘോഷ്‌, ഗുജറാത്ത്‌ സംസ്ഥാന സെക്രട്ടറി സത്യേഷ ലെയുവ, അസം സംസ്ഥാന സെക്രട്ടറി സംഗീത ദാസ്‌, ജാമിയമിലി ഇസ്ലാം യൂണിവേഴ്സിറ്റി യൂണിറ്റ്‌ സെക്രട്ടറി സഖി, കേരള സംസ്ഥാന കമ്മിറ്റിയംഗം അപർണ ഗൗരി എന്നിവർ പുസ്‌തകം ഏറ്റുവാങ്ങി. എ കൃഷ്‌ണകുമാരിയാണ്‌ പുസ്‌തകം തയ്യാറാക്കിയത്‌.

ചടങ്ങിൽ എസ്‌എഫ്‌ഐ മുഖമാസിക സ്റ്റുഡന്റ്‌ സ്‌ട്രഗിളിന്റെ സമ്മേളന പ്രത്യേക പതിപ്പ്‌ മുൻ അഖിലേന്ത്യാ ജനറൽ സെക്രട്ടറി ബിമൻ ബസുവും സയൻസ്‌ പതിപ്പ്‌ മുൻ പ്രസിഡന്റ്‌ പ്രകാശ്‌ കാരാട്ടും പ്രകാശിപ്പിച്ചു. രക്തസാക്ഷികളുടെ ഓർമപുസ്‌തകം ‘ബ്ലേസിങ്‌ സ്‌റ്റാർസും’ ‘കോമ്രേഡ്‌ സീതാറാം യെസ്‌ പ്രസന്റ്‌’ എന്ന പുസ്‌തകവും മുൻ പ്രസിഡന്റ്‌ എം എ ബേബി പ്രകാശിപ്പിച്ചു.