പാകിസ്ഥാനിൽ വെള്ളപൊക്കം; ഒരു കുടുംബത്തിലെ 18 പേർ മുങ്ങിമരിച്ചു

പെഷവാർ: പാകിസ്ഥാനിൽ വെള്ളപൊക്കത്തിൽ ഒരു കുടുംബത്തിലെ 18 പേർ മുങ്ങിമരിച്ചതായി റിപ്പോർട്ട്‌. ഖൈബർ പഖ്തൂൺഖ്വ പ്രവിശ്യയിലെ സ്വാത് നദിയിലാണ്‌ വെള്ളപൊക്കമുണ്ടായത്‌. സിയാൽകോട്ട് ജില്ലയിൽ നിന്നുള്ള വിനോദസഞ്ചാരികളായ ഒരു കുടുംബം സ്വാത് നദീതീരത്ത് പ്രഭാതഭക്ഷണം കഴിക്കുന്നതിനിടെയാണ് അപകടം സംഭവിച്ചത്. കനത്ത മഴയെത്തുടർന്ന് നദിയിലെ ജലനിരപ്പ് പെട്ടെന്ന് ഉയരുകയായിരുന്നു. അഞ്ച് വ്യത്യസ്ത സ്ഥലങ്ങളിൽ രക്ഷാപ്രവർത്തനം നടക്കുകയാണ്‌.

രക്ഷാപ്രവർത്തനങ്ങൾ നടന്നുവരികയാണ്. ഇതുവരെ 9 മൃതദേഹങ്ങൾ കണ്ടെടുത്തു. പ്രധാനമന്ത്രി ഷെഹ്ബാസ് ഷെരീഫ് അപകടത്തിൽ ദുഃഖം രേഖപ്പെടുത്തി.