മുൾട്ടാനിൽ വെള്ളപ്പൊക്കം: 10,000 പേരെ രക്ഷപ്പെടുത്തി

ലാഹോർ : പാകിസ്ഥാനിലെ പഞ്ചാബ് പ്രവിശ്യയിലെ ചരിത്ര നഗരമായ മുൾട്ടാനിൽ 24 മണിക്കൂറിനുള്ളിൽ പതിനായിരത്തിലധികം പേരെ വെള്ളപ്പൊക്കത്തിൽനിന്ന്‌ രക്ഷിച്ചതായി വാർത്താവിനിമയ മന്ത്രി അസ്‌മ ബൊഖാരി വാർത്താമ്മേളനത്തിൽ പറഞ്ഞു. കഴിഞ്ഞ 23 മുതൽ പ്രവിശ്യയിലെ വെള്ളപ്പൊക്കത്തിൽ 60 പേരാണ്‌ മരിച്ചത്‌.

4,355 ഗ്രാമങ്ങളെ മുക്കിയ പ്രളയം 42 ലക്ഷത്തിലധികം പേരെ ബാധിച്ചു. 21 ലക്ഷം പേരെയും 15 ലക്ഷം കന്നുകാലികളെയും സുരക്ഷിത സ്ഥലങ്ങളിലേക്ക് മാറ്റി.