വീണ്ടും പെൺകുട്ടിയെന്ന പേരിൽ ഭർത്താവിന്റെ നിരന്തര കുറ്റപ്പെടുത്തൽ; ജീവനൊടുക്കി ഇരുപത്തിയാറുകാരി

ബംഗളൂരു: ബംഗളൂരുവിൽ രണ്ടാമതും പെൺകുഞ്ഞ് ജനിച്ചതിൽ ഭർത്താവിന്റെ കുറ്റപ്പെടുത്തലും പരിഹാസവും സഹിക്കാനാകാതെ മനംനൊന്ത് യുവതി ജീവനൊടുക്കി. ലഗ്ഗരെയിലാണ് സംഭവം.

പെൺകുട്ടിയുടെ മാതാപിതാക്കൾ നൽകിയ പരാതിയിൽ പെൺകുട്ടിയുടെ ഭർത്താവ് രവീഷിനെതിരെ കേസെടുത്തു. ഹാസൻ അരസിക്കരെ സ്വദേശിനി രക്ഷിത (26) യെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. സ്വകാര്യ ബാങ്ക് ജീവനക്കാരനാണ് പ്രതിയായ രവീഷ്. രണ്ടാമതും പെൺകുട്ടിയാണെന്ന് അറിഞ്ഞതോടെ ആശുപത്രി ബിൽ അടയ്ക്കാൻ പോലും

രവീഷ് തയ്യാറായില്ലെന്നും മൂന്ന് വയസ്സുള്ള ആദ്യ മകളെയും ഇയാൾ ഉപദ്രവിക്കാറുണ്ടായിരുന്നെന്നും പരാതിയിലുണ്ട്.