പറമ്പിൽ കോഴി കയറിയെന്ന് ആരോപിച്ച് വയോധിക ദമ്പതികളുടെ കൈ തല്ലിയൊടിച്ചു; അയൽവാസി പിടിയിൽ

കൽപ്പറ്റ : പറമ്പിൽ കോഴി കയറിയെന്ന് ആരോപിച്ച് വയോധിക ദമ്പതികളെ ആക്രമിച്ച കേസിൽ അയൽവാസി പിടിയിൽ. പള്ളിക്കുന്ന് ചുണ്ടക്കര തെക്കേപീടികയിൽ ടി കെ തോമസി (58)നെയാണ് കമ്പളക്കാട് പൊലീസ് പിടികൂടിയത്. സംഭവശേഷം ഒളിവിലായിരുന്ന പ്രതിയെ വെള്ളി രാവിലെ കൽപ്പറ്റയിൽനിന്നാണ് പിടികൂടിയത്. ഹെൽമെറ്റ് കൊണ്ടടിച്ച് പരിക്കേൽപ്പിച്ച കേസിലും ഇയാൾ പ്രതിയാണ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
തിങ്കളാഴ്ചയാണ് പ്രതി ദമ്പതികളുടെ വീട്ടിൽ അതിക്രമിച്ചുകയറി ഇരുമ്പുവടികൊണ്ട് അടിച്ച് പരിക്കേൽപ്പിച്ചത്. വയോധികന്റെ ഇരുകൈകളുടെ എല്ലും തടയാൻ ശ്രമിച്ച ഭാര്യയുടെ വലത് കൈയുടെ എല്ലും പൊട്ടി. ഇരുവരും ചികിത്സയിലാണ്. ഇൻസ്പെക്ടർ എസ്എച്ച്ഒ എം എ സന്തോഷിന്റെ നേതൃത്വത്തിൽ സബ് ഇൻസ്പെക്ടർമാരായ ജിഷ്ണു, റോയ്, അസി. സബ് ഇൻസ്പെക്ടർമാരായ ഇബ്രാഹിം, ദീപ, സിവിൽ പൊലീസ് ഓഫീസർമാരായ ശിഹാബ്, സിറാജ്, നിഷാദ്, കൃഷ്ണദാസ് എന്നിവരടങ്ങുന്ന സംഘമാണ് പ്രതിയെ പിടികൂടിയത്.









0 comments